కశ్మీర్ అంశంపై భారత్-పాకిస్థాన్ల మధ్య నెలకొన్న ఉద్రిక్తతలు తగ్గించాలని పిలుపునిచ్చారు అమెరికా సెనేటర్ మాగీ హసన్. అందుకు అవసరమైన చర్యలు తీసుకోవాలని సూచిస్తూ ట్వీట్ చేశారు.
ఇటీవలే పాక్ ఆక్రమిత కశ్మీర్ (పీఓకే)లో పర్యటించారు న్యూ ఇంగ్లాండ్ సెనేటర్ మెగీ హసన్. పీఓకేను సందర్శించిన అనంతరం ఆఫ్గానిస్థాన్, పాకిస్థాన్లో పర్యటించారు. ఇప్పుడు భారత్ రానున్నారు.
పాక్ పర్యటనలో భాగంగా ఆ దేశ ప్రధానమంత్రి ఇమ్రాన్ ఖాన్, సైన్యాధిపతి జనరల్ కమర్ జావెద్ భజ్వతో సమావేశమయ్యారు మెగీ. తీవ్రవాద వ్యతిరేక చర్యలు, ప్రాంతీయ స్థిరత్వంపై చర్చించారు.
" పాకిస్థాన్ ఆక్రమిత కశ్మీర్లో మేము పర్యటించాం. కశ్మీర్లో ఉద్రిక్తతలు పెరుగుతున్న నేపథ్యంలో ఇరువైపులా పరిస్థితిని చక్కదిద్దేందుకు మార్గాలను కనుగొనడం చాలా క్లిష్టమైన పని. ప్రస్తుతం నేను భారత పర్యటనకు వెళుతున్నాను. అక్కడ ఉన్నత స్థాయి అధికారులతో సమావేశమై కశ్మీర్లో పరిస్థితులు, అంతర్జాతీయ వాణిజ్యంపై చర్చించనున్నా"
- మెగీ హసన్, న్యూ ఇంగ్లాడ్ సెనేటర్, అమెరికా
ఇదీ చూడండి: న్యూయార్క్ రోడ్డుపైకి పడవ వచ్చింది!
