కరోనాను ఎదుర్కొనేందుకు అమెరికా ఔషధ తయారీ సంస్ధ ఫైజర్, జర్మనీ సంస్ధ బయో ఎన్టెక్‌ రూపొందించిన టీకా సురక్షితమైనదే అని అమెరికా ఆహార, ఔషధ పరిపాలనా సంస్ధ (ఎఫ్డీఏ) తెలిపింది. ఈ మేరకు దానిపై పరీక్షలు నిర్వహించి, తమ విశ్లేషణను తొలిసారిగా ఆన్‌లైన్‌లో ఉంచిన ఈ సంస్ధ.. కరోనా నుంచి ఈ వ్యాక్సిన్‌ బలంగా కాపాడుతుందని తెలిపింది.
ఈ వ్యాక్సిన్‌పై నిపుణులతో మరింత లోతుగా చర్చించిన తర్వాత వినియోగం కోసం అందుబాటులోకి తీసుకువస్తామని ఎఫ్డీఏ వెల్లడించింది. వినియోగం కోసం అందుబాటులోకి వచ్చిన తర్వాత వ్యాక్సిన్‌ను ఆరోగ్య సిబ్బంది, ఇంటివద్ద ఉండి వైద్య చికిత్స పొందతున్న వారికి అందజేస్తామని వెల్లడించింది.
తాము రూపొందించిన టీకా 95శాతం సురక్షితమైనదే అని తేలినట్లు ఫైజర్, బయో ఎన్ టెక్‌ ప్రకటించగా.. బ్రిటన్లో 90 ఏళ్ల వృద్ధురాలికి తొలిసారిగా దాన్ని అందజేశారు.
ఇదీ చూడండి: బ్రిటన్లో 'వీ'డే- 90ఏళ్ల మ్యాగీకి తొలి టీకా
