కరోనా ఉద్ధృతి తీవ్రంగా ఉన్న భారత్కు వీలైనన్ని ఎక్కువ వ్యాక్సిన్లు సరఫరా చేయాలని అమెరికా చట్టసభ్యులు, గవర్నర్లు జో బైడెన్ యంత్రాంగానికి సూచించారు. ప్రస్తుతం భారత్లో పరిస్థితి ఆందోళనకరంగా ఉందని.. ఈ సమయంలో ఆ దేశానికి సాయం అందించడం అమెరికా బాధ్యత అని పేర్కొన్నారు. విదేశాలకు అమెరికా వ్యాక్సిన్లను అందించేందుకు సిద్ధమైన నేపథ్యంలో చట్టసభ్యులు, వివిధ రాష్ట్రాల గవర్నర్లు చేసిన ఈ వ్యాఖ్యలు ప్రాధాన్యం సంతరించుకున్నాయి.
రిపబ్లికన్ నేత విమర్శ..
"అధ్యక్షుడు బైడెన్ చేపడుతున్న వ్యాక్సిన్ పంపిణీ కార్యక్రమం లోపాలతో నిండి ఉంది. అమెరికాకు భారత్ ఎంతో సన్నిహిత దేశం. అటువంటి దేశాలకే ప్రధానంగా టీకా సాయం అందించాలి. వారికి సరిపడా వ్యాక్సిన్లు సమకూర్చాలి."
-టెడ్ క్రూజ్, రిపబ్లికన్ చట్టసభ్యుడు
భారతీయ అమెరికన్ విజ్ఞప్తి..
వ్యాక్సిన్ కొరతలో ఉన్న భారత్ను ఆదుకోవాలని భారతీయ అమెరికన్ చట్టసభ్యుడు ఆర్ఓ ఖన్నా.. బైడెన్ ప్రభుత్వానికి విజ్ఞప్తి చేశారు. అమెరికా ఉపయోగించని టీకాలను భారత్కు తరలించాలని పేర్కొన్నారు.
భారత్కు సరిపడా వ్యాక్సిన్లతో పాటు అవసరమైన వైద్య సహాయం కూడా అందించాలని చట్టసభ్యులు, గవర్నర్లు డిమాండ్ చేశారు.
ఇదీ చదవండి : అక్కడ మాస్క్‌ ధరిస్తే జరిమానా..!
