కరోనా వైరస్ను తరిమికొట్టే వ్యాక్సిన్ తయారు చేసేందుకు ప్రపంచ దేశాలు పోటీపడుతున్నాయి. ఈ నేపథ్యంలో అగ్రరాజ్యం అమెరికో ఓ ముందడుగేసి.. వ్యాక్సిన్ను రూపొందించింది. అయితే ఈ వ్యాక్సిన్ను నేడు తొలిసారిగా మానవశరీరంపై ప్రయోగించనుంది.
వ్యాక్సిన్ను 45 యువ వాలంటరీలపై వేరువేరు డోసులలో ప్రయోగించనున్నారు. వారి శరీరంలో వైరస్ లేనందున ఈ ప్రయోగంలో పాల్గొన్న వారి ఆరోగ్యాలపై ఎలాంటి చెడు ప్రభావం ఉండదని స్పష్టం చేశారు.
సీటెల్లోని కైసర్ పర్మనెంటె వాషింగ్టన్ ఆరోగ్య పరిశోధనా సంస్థ వేదికగా నిర్వహిస్తున్న ఈ ప్రయోగానికి అమెరికా జాతీయా ఆరోగ్య సంస్థ నిధులు సమకూర్చుతోంది. అయితే, ఏ వ్యాక్సిన్ అయినా చలామణిలోకి రావాలంటే కనీసం ఏడాది నుంచి 18 నెలల సమయం పడుతుందని పలువురు శాస్త్రవేత్తలు అభిప్రాయపడుతున్నారు.
ఇదీ చదవండి: స్వయంకృషికి చిరునామా.. ఈ వందేళ్ల బామ్మ
