చెర్రీ పూల సోయగంతో నవ వసంతం

అమెరికాలో చెర్రీ పూల అందాలు ప్రకృతి ప్రేమికుల్ని విశేషంగా ఆకట్టుకుంటున్నాయి. వసంత కాలంలోనే పూచే ఈ పూల సోయగంతో పర్యటకులు మైమరచిపోతున్నారు.

చెర్రీ పూల సోయగంతో అమెరికాలో వసంతం వెల్లివిరిసింది. లేత గులాబీ, శ్వేత వర్ణాలతో అలరించే ఈ చెర్రీ పుష్పాలను వీక్షించడానికి ప్రకృతి ప్రేమికులు ఉత్సాహం చూపిస్తున్నారు.

వాషింగ్టన్ జాతీయ ఉద్యానవనం​ వద్ద సుమారు 12 రకాల యోషినో వృక్షాలు ఉన్నాయి. ఏప్రిల్​ మొదటివారంలోనే 70 శాతం చెర్రీ మొగ్గలు వికసిస్తాయి. వీటిని చూడడానికి వివిధ ప్రాంతాల నుంచి పర్యటకులు నగరానికి చేరుకుంటున్నారు. ప్రకృతి అందాలకు మరింత శోభనిచ్చే ఈ పుష్పాలను చూసి ఆనందిస్తున్నారు.

ప్రకృతి రమణీయతకు దర్పణమైన ఈ పుష్పజాతులను జపాన్​ 1912లో వాషింగ్టన్​కు బహూకరించింది.

ఇదీ చూడండి :'భారత్​పై నిఘా కాదు- వ్యర్థాల పరిశీలనే'