కొవిడ్ నివారణ కోసం విధించిన ప్రయాణ ఆంక్షలు ఉన్నా వీసాలను(us visa travel ban update) ప్రాసెస్ చేయడం ఆపకూడదని అమెరికా ఫెడరల్ న్యాయస్థానం స్పష్టం చేసింది. భారత్కు నుంచి వచ్చే సాంకేతిక నిపుణులు(US visa ban india) సహా అర్హత ఉన్న ప్రయాణికులకు వీసాల జారీని నిలిపివేయడం చట్టవిరుద్ధమని కోర్టు వ్యాఖ్యానించినట్లు స్థానిక మీడియా పేర్కొంది.
కొవిడ్ నేపథ్యంలో వీసాలు(us visa ban update) జారీ చేసేందుకు అమెరికా విదేశాంగ శాఖ నిరాకరించడంపై అమెరికన్ ఇమ్మిగ్రేషన్ లాయర్స్ అసోసియేషన్(ఏఐఎల్ఏ) సాయంతో కొందరు వ్యక్తులు, ఇమ్మిగ్రేషన్ లా సంస్థల కూటమి దాఖలు చేసిన పిటిషన్పై ఫెడరల్ కోర్టు విచారణ జరిపింది.
కరోనా వ్యాప్తి నివారణకు ప్రయాణాలపై ఆంక్షలు విధించారు అప్పటి అధ్యక్షుడు డొనాల్డ్ ట్రంప్. ఆ తర్వాత అధికారంలోకి వచ్చిన అధ్యక్షుడు జో బైడెన్ వాటిని కొనసాగిస్తున్నారు. అయితే ఆ నిబంధనల సాకుతో వీసాల జారీ నిలిపేయడం చట్టవిరుద్ధమని కోర్టు వ్యాఖ్యానించినట్లు తెలిసింది.
అమెరికా విధించిన ప్రయాణ ఆంక్షల వల్ల సైన్స్, టెక్నాలజీ, ఇంజనీరింగ్, మ్యాథ్స్(ఎస్టీఈఎం) రంగాలకు చెందిన అమెరికన్ కంపెనీల ఉద్యోగులు తీవ్రంగా ప్రభావితమయ్యారు. మరోవైపు వీసా జారీ నిలిపివేయడం వల్ల స్వదేశాలకు వెళ్లిన ఐటీ నిపుణులు సహా పలువురు అక్కడే ఉండిపోవాల్సిన పరిస్థితి ఏర్పడింది.
ఇదీ చూడండి: 'బాధిత దేశం ముసుగులో ఉగ్రవాదానికి పాకిస్థాన్ మద్దతు'
