అన్బర్ ప్రావిన్స్లోని ఇరాకీ మిలీషియా స్థావరాలపై అమెరికా వైమానిక దాడులు చేసింది. బుధవారం ఇరాకీ దళాలు జరిపిన రాకెట్ దాడుల్లో ఇద్దరు అమెరికన్లు సహా ముగ్గురు సంకీర్ణ దళ సభ్యులు మరణించారు. ఈ నేపథ్యంలోనే అమెరికా ప్రతీకార దాడులకు దిగింది.
"ఇరాక్లోని తాజీ సైనిక స్థావరంపై 15కి పైగా చిన్న రాకెట్లతో దాడి చేశాం." - మైల్స్ కాగ్గిన్స్, సంకీర్ణ దళాల అధికార ప్రతినిధి
బుధవారం ఇరాక్ చేసిన దాడుల్లో ఇద్దరు అమెరికన్లు, ఓ బ్రిటీష్ సైనికుడు మరణించినట్లు కాగ్గిన్స్ పేర్కొన్నారు. అందుకే ఇరాక్ కాలమానం ప్రకారం మార్చి 11న రాత్రి 7.30 గంటల సమయంలో ఇరాకీ దళాలపై ప్రతీకార దాడులు చేసినట్లు ట్విట్టర్ వేదికగా తెలిపారు. శత్రు స్థావరాల్లో జరిగిన నష్టాన్ని ప్రస్తుతం అంచనా వేస్తున్నట్లు తెలిపారు.
ఇదీ చూడండి: ప్రపంచ ప్రమాదకర వ్యాధిగా కరోనా: డబ్ల్యూహెచ్ఓ
