భారత్కు మరిన్ని ఆయుధాలు సరఫరా చేసేందుకు అమెరికా కీలక నిర్ణయం తీసుకుంది. ఈ మేరకు ట్రంప్ పాలనా యంత్రాంగం అమెరికా కాంగ్రెస్కు నోటిఫికేషన్ సమర్పించింది. దాదాపు 155 మిలియన్ డాలర్ల విలువైన హర్పూన్ మిస్సైళ్లు, తేలికపాటి టార్పిడోలను భారత్కు విక్రయించనున్నట్లు అందులో పేర్కొంది.
భారత్కు విక్రయించే ఆయుధాల వివరాలు..
- సుమారు 92 మిలియన్ డాలర్ల విలువైన ఏజీఎం-84ఎల్ హర్పూన్ క్షిపణులు 10.
- ఎంకే 54 ఆల్ ఆప్ రౌండర్ తేలికపాటి టార్పిడోలు 16.
- ఎంకే 54 ఎక్సర్సైజ్ టార్పిడోలు 3.
- వీటి విలువ దాదాపు 63 మిలియన్ డాలర్లు.
రక్షణ వ్యవస్థ మరింత పటిష్ఠం
హర్పూన్ మిస్సైల్ను పీ-81 ఎయిర్క్రాఫ్ట్కు అనుసంధానం చేయడం ద్వారా క్లిష్ణమైన సముద్ర మార్గాల్లో పహారా మరింత సులభం కానుంది. అమెరికా సహా ఇతర రక్షణ వ్యవస్థలతో పరస్పర సహకారం మరింత పెంచుకునే అవకాశముంది.
"ఈ ఆయుధాలు భారత్ సొంతమైతే భారత్ స్థానిక ప్రమాదాల రక్షణ సామర్థ్యం సహా దేశీయ రక్షణ వ్యవస్థ మరింత మెరుగవుతుంది."
-పెంటగాన్, అమెరికా రక్షణ విభాగం
ఇదీ చూడండి:అగ్రరాజ్యంలో లెక్కల్లోకి రాని మృతులు మూడువేలకు పైనే!
