Twitter Down: మైక్రోబ్లాగింగ్ సైట్ ట్విట్టర్ సేవలకు శుక్రవారం రాత్రి అంతరాయం ఏర్పడింది. భారత్ సహా వివిధ దేశాల్లో దాదాపు గంట పాటు ట్విట్టర్లో పోస్టింగ్, సెర్చింగ్, కంటెంట్ షేరింగ్ చేయడంలో చాలా మంది ఖాతాదారులు ఇబ్బందులు ఎదుర్కొన్నారు. ప్రపంచవ్యాప్తంగా భారీ ఎత్తున యూజర్లు సంస్థకు ఫిర్యాదు చేశారు. డౌన్ డిటెక్టర్ అనే వెబ్సైట్ ప్రకారం సుమారు రాత్రి 10.30 గంటలకు ఈ సమస్య మొదలై.. 11 గంటలకు తారస్థాయికి చేరింది.
అదే కారణం..
ఈ విషయంపై స్పందించిన ట్విట్టర్.. సమస్యను పరిష్కరించామంటూ 11.44 గంటలకు ట్వీట్ చేసింది. టెక్నికల్ బగ్ కారణంగా సేవలకు అంతరాయం కలిగిందని వివరిస్తూ ట్వీట్ చేసింది. అంతరాయానికి క్షమించాలని యూజర్లకు విజ్ఞప్తి చేసింది.
ట్విట్టర్ సేవలు అందుబాటులోకి వచ్చాక యూజర్లు ఈ సమస్యపై 'ట్విట్టర్ డౌన్' అనే హ్యాష్ట్యాగ్తో ట్రెండ్ చేశారు.
ఇదీ చూడండి : మస్క్కు సౌర తుపాను దెబ్బ.. బూడిదైన 40 స్పేస్ఎక్స్ ఉపగ్రహాలు
