కరోనా చికిత్సకు తొలి మందుగా రెమ్​డెసివిర్​

కరోనా చికిత్స కోసం అమెరికా ఆహార, ఔషధ విభాగం ఓ మందుకు మొదటిసారిగా ఆమోదం తెలిపింది. యాంటీవైరల్ డ్రగ్ రెమ్​డెసివిర్​ను వినియోగించేందుకు అంగీకరించింది.

కరోనా చికిత్సలో యాంటీ వైరల్ డ్రగ్ రెమ్​డెసివిర్​ వినియోగించేందుకు అమెరికా ఆహార, ఔషధ విభాగం (ఎఫ్​డీఏ) ఆమోదించింది. కరోనా చికిత్సకు తొలిసారిగా ఓ ఔషధాన్ని ఆమోదించింది ఎఫ్​డీఏ.

ఈ మందును ఆసుపత్రిలో చేరిన బాధితులకు ఐవీ ద్వారా అందివ్వాలని స్పష్టం చేసింది. కనీసం 12 ఏళ్లు లేదా 40 కిలోల బరువు ఉన్న వ్యక్తులకు చికిత్స అందించేందుకు ఈ ఔషధాన్ని వినియోగించేందుకు అనుమతిచ్చింది ఎఫ్​డీఏ.

వెక్​లరీగా..

కాలిఫోర్నియా ఆధారిత గిలీడ్ సైన్సెస్ సంస్థ.. ఈ ఔషధాన్ని వెక్​లరీగా పిలుస్తోంది. ఈ మందు వల్ల రికవరీ సమయం 15 నుంచి 10 రోజులకు తగ్గిందని అమెరికా ఎన్​ఐహెచ్​ సర్వే వెల్లడించింది.

ఇదీ చూడండి: మాస్కులు వైరస్‌ను అడ్డుకుంటాయి.. కానీ..!