కొవిడ్ -19 నిబంధనలు పాటించాలని చెప్పినందుకు ఓ దుకాణం సెక్యూరిటీ గార్డును కత్తితో 27 సార్లు పొడిచారు అక్కాచెల్లెళ్లు . ఈ ఘటన అమెరికా షికాగోలో జరిగింది. 32 ఏళ్ల బాధితుడు ప్రస్తుతం ఆసుపత్రిలో చికిత్స పొందుతున్నాడు. అతని పరిస్థితి విషమంగా ఉందని స్థానిక పోలీస్ అధికారి కారీ జేమ్స్ తెలిపారు. అక్కాచెల్లెళ్లకూ స్వల్ప గాయాలు కావటం వల్ల ఆసుపత్రికి తరలించామన్నారు.
వివాదం ఇలా మొదలైంది...
షికాగోలోని ఓ షాపుకు వెళ్లిన జెస్సికా హిల్(21), జైలా హిల్(18)ను సెక్యూరిటీ గార్డు అడ్డుకున్నాడు. మాస్క్ ధరించి, శానిటైజ్ చేసుకొని లోపలకు రావాలని కోరాడు. దీంతో వారి మధ్య వివాదం మొదలైంది. జెస్సికా వెనుక జేబులోంచి కత్తి తీసి దాడి చేయటం ప్రారంభించింది. జైలా సెక్యూరిటీ గార్డు జట్టు పట్టుకుని అతడు కదలకుండా చేసింది.
ఆత్మరక్షణ కోసమేనట...
జెస్సికా, జైలా ఆత్మరక్షణ కోసమే ఇలా చేశారని, వారిద్దరూ బైపోలార్ డిస్ఆర్డర్తో బాధపడుతున్నారని బెయిల్పై విచారణ సందర్భంగా నిందితుల తరఫు న్యాయవాది వాదించారు.
