అమెరికా రోడ్లపై పరుచుకున్న మంచుదుప్పటి

థాంక్స్​గివింగ్ వారాంతంలో ఉత్తర అమెరికాను కుదిపేసిన మంచు తుపాను నుంచి అక్కడి ప్రజలు ఇప్పుడిప్పుడే కోలుకుంటున్నారు. గత కొద్ది రోజులుగా ఉత్తర ప్రాంతాల్లో మంచు విపరీతంగా కురుస్తోంది.

ఉత్తర అమెరికా రాష్ట్రాలైన మిన్నెసోటా, విస్కాన్సిన్​లలో మంచు భారీగా కురుస్తోంది. రోడ్లపై కార్లు, ఇళ్లు హిమపాతంలో కూరుకుపోయాయి. మిన్నెసోటాలోని దులుత్​ రహదారిపై 22 అంగుళాల ఎత్తు మేర మంచు పరుచుకుంది. ఫలితంగా.. రాకపోకలకు తీవ్ర అంతరాయం ఏర్పడింది.

గత కొద్ది రోజులుగా మంచు తుపాను, ఈదురు గాలులతో కూడిన చలి అమెరికాను వణికిస్తోంది. థాంక్స్​గివింగ్​ వారాంతంలో అలజడి సృష్టించిన మంచు తుపాను ప్రభావం ఇప్పుడిప్పుడే కాస్త తగ్గుతోంది. స్థానికులు రోడ్లపైకి వచ్చి పేరుకుపోయిన మంచును తొలగిస్తున్నారు.

ఇదీ చూడండి : అమెరికా నౌకా దళాన్ని అనుమతించబోం: చైనా