నల్లజాతీయుడు జార్జి ఫ్లాయిడ్ మృతిపై అమెరికా వరుసగా ఆరో రోజు రణరంగంగా మారింది. ఫ్లాయిడ్కు న్యాయం జరగాలంటూ జరుగుతున్న ఈ నిరసనల్లో ఇప్పటివరకు ఐదుగురు ప్రాణాలు కోల్పోయారు.
- ఆందోళనలను అరికట్టేందుకు 40 నగరాల్లో కర్ఫ్యూ విధించారు. 140 నగరాలు, పట్టణాల్లో నిరసనలు జరుగుతున్నాయి.
- శ్వేతసౌధం వద్ద ఆందోళనకారులు గుమిగూడిన నేపథ్యంలో అక్కడ ఉద్రిక్త వాతావరణం నెలకొంది. నిరసనకారులను చెదరగొట్టేందుకు బాష్పవాయువును ప్రయోగించారు.నిరసనకారులపై బాష్పవాయువు ప్రయోగించిన పోలీసులు
- శ్వేతసౌధం వద్ద నిరసనలు చెలరేగడం వల్ల అధ్యక్షుడు ట్రంప్, ప్రథమ పౌరురాలు మెలానియా వారి కుమారుడు బారన్ ట్రంప్ అండర్ గ్రౌండ్లోని గదిలో గంటపాటు ఉన్నారు. శ్వేతసౌధం వద్ద భారీ భద్రత
- నిరసనల వెనక వామపక్ష సంస్థ ఆంటిఫా ఉందని.. దానిని ఉగ్రవాద సంస్థగా తీర్మానిస్తామని ట్విట్టర్ ద్వారా ప్రకటించారు ట్రంప్.
- ఆందోళనలను అణిచేందుకు ఇప్పటికే 5 వేలమంది నేషనల్ గార్డ్స్ను మోహరించారు. అవసరమైతే మరో 2 వేలమందిని తరలించనున్నట్లు చెప్పారు.ఆందోళనలను అణిచేందుకు ఇప్పటికే 5వేలమంది నేషనల్ గార్డ్స్ మోహరింపు
- ఇప్పటివరకు 24 నగరాల్లోని 2,564 మందిని అరెస్టు చేశారు. లాస్ ఏంజెల్స్లోనే అరెస్టులు ఎక్కువగా ఉన్నాయి.ఆందోళనల్లో ధ్వంసమైన పోలీసు వాహనం
- బర్మింగ్హామ్లో ఓ స్మారకాన్ని కూల్చేందుకు ప్రయత్నించారు నిరసనకారులు.అగ్నికి ఆహుతైన ఓ దుకాణం
- బోస్టన్లో ఓ పోలీస్ వాహనానికి ఆందోళనకారులు నిప్పుపెట్టారు.ఉద్రిక్తంగా మారిన నిరసనలు
- ఫిలడెల్ఫియాలో నిరసనకారులను చెదరగొట్టేందుకు పెప్పర్ స్ప్రే వినియోగించారు.ఓ దుకాణాన్ని ధ్వంసం చేసి వస్తువులను ఎత్తుకెళ్తున్న నిరసనకారులు
