కరోనాకు సమర్థమైన చికిత్స అందించే విధంగా సరికొత్త ఆవిష్కరణ చేసిన 14 ఏళ్ల భారతీయ అమెరికన్ అమ్మాయి.. ఓ ఛాలెంజ్లో విజయం సాధించింది. 25వేల డాలర్ల(రూ. 18.34లక్షలు) నగదు బహుమతిగా అందుకుంది.
టెక్సాస్లోని ఫ్రిస్కోలో 8వ తరగతి చదువుతున్న అనిక చేబ్రోలు.. 3ఎమ్ యంగ్ సైంటిస్ట్ ఛాలెంజ్లో విజేతగా నిలిచింది. ఇన్-సిలికో ప్రక్రియ ద్వారా.. సార్స్-కొవి2 ప్రోటీన్లతో పాటు ఉండే అణువులను కనుగొనేందుకు ఓ డ్రగ్ను ఆవిష్కరించింది. కరోనాకు చికిత్సను కనుగొనే ప్రయత్నాల్లో భాగంగా ఈ ప్రయోగం చేపట్టింది అనిక.
3ఎమ్ అనేది అమెరికా మిన్నెసొటలోని ఓ తయారీ సంస్థ. ఈ ఏడాది ఛాలెంజ్లో అనికతో పాటు మొత్తం 10మంది తుది దశకు చేరుకున్నారు. ఫైనల్ రౌండ్లో శాస్త్రవేత్త డా. మెహ్పూజా అలి ఆధ్వర్యంలో పనిచేసింది అనిక. ఫలితంగా ఆమె ఆలోచనలు కార్యరూపం దాల్చాయి. నగదు బహుమతి, 3ఎమ్ మెంటర్షిప్ దక్కాయి.
సొంత జీవితంలో..
స్వీయ జీవితం నుంచే స్ఫూర్తి పొంది ఈ ప్రయోగం చేపట్టింది అనిక. గతేడాది ఆమె ఫ్లూ వ్యాధి బారినపడింది. చాలా రోజుల తర్వాత కోలుకుంది. అనంతరం అలాంటి వ్యాధులకు నివారణను కనుక్కోవాలని నిర్ణయించుకుంది. 3ఎమ్ శాస్త్రవేత్తల సహాయంతో తన కలను నెరవేర్చుకుంటానని స్పష్టం చేసింది.
ఇదీ చూడండి:- ప్యాకేజ్ ఫుడ్పై కరోనా ఆనవాళ్లు!
