అమెరికా అంతరిక్ష పరిశోధనా సంస్థ(నాసా) చంద్రుడిపై కాలు మోపేందుకు శిక్షణనిచ్చే 18 మంది వ్యోమగాముల్లో భారతీయ-అమెరికన్ చోటు దక్కించుకున్నారు. యూఎస్ ఎయిర్ఫోర్స్ కల్నల్ రాజా జోన్ ఉర్పుతూర్ చారీకి ఈ అవకాశం లభించింది.
ఇదీ చదవండి: చంద్రునిపై దిగే తొలి మహిళ ఈ 9 మందిలో ఎవరు?
43 ఏళ్ల చారీ.. యూఎస్ ఎయిర్ఫోర్స్ అకాడమీ, మసాచుసెట్స్ ఇన్స్టిట్యూట్ ఆఫ్ టెక్నాలజీ(ఎంఐటీ), యూఎస్ నావల్ టెస్ట్ పైలట్ స్కూల్లో గ్రాడ్యుయేషన్ చేశారు. 2017లో నాసా ద్వారా వ్యోమగామి శిక్షణకు ఎంపికయ్యారు. తర్ఫీదు కాలం పూర్తవ్వడం వల్ల.. మిషన్కు అర్హత సాధించారు. ఈ జాబితాలో చోటు దక్కించుకున్న ఏకైక భారత సంతతి వ్యక్తి చారీ కావడం విశేషం.
2024 నాటికి ఆర్టెమిస్ మిషన్ ద్వారా జాబిల్లిని చేరాలనే లక్ష్యాన్ని నిర్దేశించుకుంది నాసా. ఈ ప్రయోగానికి ఎంపికైన వ్యోమగాముల బృందాన్ని ఆ దేశ ఉపాధ్యక్షుడు మైక్ పెన్స్.. జాతీయ అంతరిక్ష మండలి సమావేశంలో బుధవారం పరిచయం చేశారు.
ఇదీ చదవండి: అంతరిక్ష కేంద్రానికి క్రిస్మస్ బహుమతులు పంపిన స్పేస్ఎక్స్
