కరోనా... ప్రస్తుతం ప్రపంచం ముందున్న పెను సవాల్. ఆ వైరస్కు సాధ్యమైనంత త్వరగా వ్యాక్సిన్ కనుగొనడమే శాస్త్రవేత్తల లక్ష్యం. అందుకోసం అహర్నిశలు శ్రమిస్తున్నారు. లక్షల డాలర్లు ఖర్చు చేస్తున్నారు.
కరోనా వ్యాక్సిన్ కనుగొనేందుకు పరిశోధకులు వేర్వేరు వ్యూహాలు అనుసరిస్తున్నారు. అవేంటో చూద్దాం.
వ్యాక్సిన్ అంటే?
మనం అనారోగ్యానికి గురికాకముందే ప్రమాదకర వైరస్లను గుర్తించి, వాటిని పారదోలేలా మన శరీరాన్ని సిద్ధం చేస్తాయి వ్యాక్సిన్లు.
వ్యాక్సిన్ తయారీ ఎలా?
పాత పద్ధతుల్లో... చనిపోయిన లేదా బలహీనపడిన వైరస్లను ఉపయోగించి వ్యాక్సిన్లు తయారు చేసేవారు. ఫ్లూ, పొంగు వ్యాక్సిన్లు ఇలా చేసినవే. కానీ వ్యాక్సిన్ల కోసం వైరస్లను పెంచడం చాలా కష్టం, ప్రమాదకరం.
అందుకే కరోనా వ్యాక్సిన్ అభివృద్ధి కోసం సరికొత్త సాంకేతిక పద్ధతులు అనుసరిస్తున్నారు శాస్త్రవేత్తలు. వ్యాక్సిన్ తయారీలో వైరస్ ఉపయోగించరు. కాబట్టి వ్యాక్సిన్ తీసుకున్నవారికి ఎలాంటి ముప్పు ఉండదు.
ఆ ప్రొటీనే కీలకం...
స్పైక్ ప్రొటీన్లో కరోనా వైరస్ దాగి ఉంటుంది. ఆ ప్రొటీన్ నుంచే వైరస్ బయటకు వచ్చి శరీర కణాలపై దాడి చేస్తుంది. మనిషి రోగ నిరోధక వ్యవస్థ ముందే ఆ ప్రొటీన్ను గుర్తించి, అడ్డగిస్తే... కరోనా సోకదు.
వైరస్కు సంబంధించిన జన్యు కోడ్ను కాపీ చేయడమే వ్యాక్సిన్ తయారీలో కీలకం. ఇందుకోసం శాస్త్రవేత్తలు ఆర్ఎన్ఐ మెసెంజర్, సింథటిక్ డీఎన్ఏ అనే రెండు పద్ధతులు అనుసరిస్తుంటారు. ఇలా అభివృద్ధి చేసిన వ్యాక్సిన్ రోగ నిరోధక వ్యవస్థలో భాగమవుతుంది. కరోనా వైరస్ వస్తే పోరాడుతుంది.
వ్యాక్సిన్ను ఏ పద్ధతిలో అభివృద్ధి చేసినా పూర్తిస్థాయిలో అందుబాటులోకి తెచ్చేందుకు 12-18 నెలలు పడుతుంది.
ఇదీ చదవండి: వైరస్సే కదా అని తేలిగ్గా చూస్తే.. అధ్యక్ష ఎన్నికలు ఆపేస్తా!
