ఆమెరికాలో ద్వేషపూరిత నేరాలు.. దశాబ్దకాలంలోనే అత్యధిక స్థాయికి చేరినట్టు ఓ ఎఫ్బీఐ నివేదిక పేర్కొంది. దీనితో పాటు ద్వేషపూరిత హత్యలు కూడా రికార్డు స్థాయిలో నమోదైనట్టు వెల్లడించింది.
గతేడాది మొత్తం మీద 7,314 ద్వేషపూరిత నేరాలు నమోదయ్యాయి. 2018లో ఆ సంఖ్య 7,120. 2019లో 51 హత్యలు వెలుగుచూశాయి. ఈ తరహా డేటాను సేకరించడం మొదలుపెట్టిన నాటి(1990 దశాబ్దం) నుంచి ఇదే అత్యధికం కావడం గమనార్హం. ఓ వ్యక్తి జాతి, మతం, లిగంతో పాటు ఇతర అంశాలపై వ్యతిరేకతతో ఈ తరహా నేరాలు జరుగుతున్నట్టు ఎఫ్బీఐ వార్షిక నివేదిక పేర్కొంది.
మతం ఆధారంగా జరిగిన నేరాల్లో 7శాతం పెరుగుదల నమోదైంది. అయితే 2018(1,943)తో పోల్చితే ఆఫ్రో అమెరికన్లపై నేరాలు.. 2019(1,930)లో కొంతమేర తగ్గాయని ఎఫ్బీఐ నివేదిక స్పష్టం చేస్తోంది.
2019లో నేరాల సంఖ్య పెరుగుదలకు.. పోలీసు విభాగం మెరుగైన రిపోర్టింగ్ను అందించడం కూడా ఓ కారణం. అయితే... దేశంలో ఈ తరహా నేరాలు ఆందోళనకర రీతిలో పెరుగుతున్నాయని న్యాయశాఖ నిపుణలు అభిప్రాయపడుతున్నారు.
ద్వేషపూరిత నేరాలకు సంబంధించిన డేటాను సేకరించేందుకు సరైన చర్యలు చేపట్టాలని న్యాయశాఖను అభ్యర్థించాయి పలు న్యాయ బృందాలు.
ఇదీ చూడండి:- ట్రంప్ మద్దతుదారులు, నిరసనకారుల మధ్య ఘర్షణ
