ప్రపంచంపై కరోనా మహమ్మారి విలయతాండవం చేస్తోంది. రోజురోజుకు లక్షల్లో కేసులు నమోదవుతున్నాయి. మొత్తం కేసుల సంఖ్య 2.24 కోట్లకు చేరువయ్యింది. అయితే.. ఇప్పటి వరకు కోటిన్నర మందికిపైగా.. వైరస్ నుంచి కోలుకోవటం ఊరటకలిగిస్తోంది.
మొత్తం కేసులు: 22,358,484
మరణాలు: 785,322
కోలుకున్నవారు: 15,095,485
యాక్టివ్ కేసులు: 6,477,677
- అమెరికాలో.. కరోనా కేసుల సంఖ్య 56 లక్షలు దాటాయి. ఇప్పటి వరకు లక్షా 75 వేల మందికిపైగా ప్రాణాలు కోల్పోయారు. దేశవ్యాప్తంగా 30 లక్షలకుపైగా వైరస్ నుంచి కోలుకున్నారు.
- బ్రెజిల్లో.. వైరస్ ఉద్ధృతి కొనసాగుతోంది. వేల సంఖ్యలో కొత్త కేసులు నమోదవుతున్న నేపథ్యంలో మొత్తం కేసుల సంఖ్య 34 లక్షలు దాటింది. లక్షా 10వేల మంది మరణించారు. 25.54 లక్షల మంది కోలుకున్నారు.
- న్యూజిలాండ్లో.. కరోనా మహమ్మారి మళ్లీ వ్యాప్తి చెందుతోంది. పెద్ద ఎత్తున పరీక్షలు నిర్వహించిన నేపథ్యంలో బుధవారం కొత్తగా 5 కేసులు బయటపడ్డాయి. ఖతార్ నుంచి వచ్చిన మరో వ్యక్తికి వైరస్ సోకినట్లు అధికారులు గుర్తించారు. 102 రోజుల తర్వాత కొత్త కేసులు నమోదవటంపై ఆందోళన వ్యక్తం చేశారు.
- పాకిస్థాన్లో బుధవారం కొత్తగా 613 మందికి వైరస్ నిర్ధరణ అయింది. 11 మంది మరణించారు. మొత్తం కేసుల సంఖ్య 2,90,445కు, మరణాలు 6,201కి చేరాయి. అయితే.. 2,72,128 మంది వైరస్ నుంచి కోలుకున్నట్లు అధికారులు తెలిపారు.
- సింగపూర్లో బుధవారం కొత్తగా 93 వైరస్ కేసులు నిర్ధరణ అయ్యాయి. అందులో చాలా మంది విదేశీ కార్మికులేనని అధికారులు తెలిపారు. మొత్తం కేసుల సంఖ్య 56,031కి చేరింది.
- ఇరాన్లో కరోనా మరణాల సంఖ్య 20 వేలు దాటింది. పశ్చిమాసియా దేశాల్లో అత్యధిక మరణాలు ఇరాన్లోనే సంభవించాయి.
ప్రపంచవ్యాప్తంగా పలు దేశాల్లో కేసుల వివరాలు ఇలా..
| దేశం | కేసులు | మరణాలు |
| అమెరికా | 5,657,481 | 175,119 |
| బ్రెజిల్ | 3,411,872 | 110,019 |
| రష్యా | 937,321 | 15,989 |
| దక్షిణాప్రికా | 592,144 | 12,264 |
| పెరు | 549,321 | 26,658 |
| మెక్సికో | 531,239 | 57,774 |
| కొలంబియా | 489,122 | 15,619 |
| చిలీ | 388,855 | 10,546 |
| స్పెయిన్ | 384,270 | 28,670 |
