ప్రపంచాన్ని గడగడలాడిస్తోంది కరోనా మహమ్మారి. తాజాగా 22 మంది ప్రాణాలు కోల్పోయారు. ఈ నేపథ్యంలో కరోనా సోకిన వారి సంఖ్య 24, 090కి చేరింది. కొత్తగా 454మందికి వైరస్ సోకింది. మొత్తంగా వైరస్ సోకిన వారి సంఖ్య 5,32, 263కు చేరింది. 85, 594మంది కొవిడ్-19 బాధితులతో కేసుల జాబితాలో అమెరికా అగ్రస్థానంలో కొనసాగుతోంది. 8,215మంది మృతులతో మరణాల జాబితాలో ఇటలీ మొదటి స్థానంలో ఉంది.
విదేశీయుల రాకపై చైనా ఆంక్షలు..
విదేశీయుల కారణంగా తిరిగి చైనాలో వైరస్ కేసులు నమోదవుతున్న నేపథ్యంలో వారి రాకపై చైనా ఆంక్షలు విధించింది.
కొత్తగా 55మందికి వైరస్ సోకగా వీరిలో 54మంది విదేశీయులు. దేశీయంగా ఒకరికి వైరస్ సోకింది. ఈ నేపథ్యంలో ఇప్పటికే జారీ చేసిన వీసాలను రద్దు చేసేందుకు నిర్ణయం తీసుకుంది. విమానాల రాకపోకలపై ఆంక్షలు విధించింది.
ఇదీ చూడండి: కరోనా దాడితో అల్లాడుతున్న అమెరికా
