ప్రపంచాన్ని శాసించాలని ఆశపడుతున్న చైనాను నిలువరించాలంటే అమెరికా దీటుగా స్పందించాలని ఆ దేశ నిఘా విభాగం డైరెక్టర్ రాట్క్లిఫ్ అన్నారు. రెండో ప్రపంచ యుద్ధం తర్వాత చైనా ప్రపంచ ప్రజాస్వామ్యానికి, స్వేచ్ఛకు పెను ముప్పుగా మారిందని ఆయన వ్యాఖ్యానించారు.
"అమెరికాతో పాటు ప్రపంచదేశాలకు చైనా పలు సవాళ్లు విసురుతోంది. అమెరికా ప్రజలు దీన్ని నిశితంగా పరిశీలించాలి. ప్రపంచస్థాయి ఆర్థిక వ్యవస్థ, సైనిక, సాంకేతిక రంగంలో మేటిగా ఎదగడమే చైనా అంతిమ లక్ష్యం. ఈ పరిస్థితుల్లో చైనాను అమెరికా నిలువరించాలి. అమెరికాకు 500 బిలియన్ డాలర్ల నష్టాన్ని చేయడమే కాకుండా చైనా మన మోధో సంపత్తిని, సాంకేతికతను అపహరిస్తోంది."
- రాట్క్లిఫ్, అమెరికా నిఘా విభాగం డైరెక్టర్
అమెరికా దిగ్గజ కంపెనీలకు చెందిన మోథో సంపత్తిని చోరీ చేసి ఆ స్థానంలో తన సంస్థలను ప్రత్యామ్నాయంగా నిలిపే ప్రయత్నం చైనా చేస్తోందని రాట్ అన్నారు. ఈ నేపథ్యంలో ట్రంప్ సర్కార్ చైనాపై పలు ఆంక్షలు విధించిందని ఆయన పేర్కొన్నారు.
ఇటీవల చైనా కమ్యూనిస్ట్ పార్టీ నేతలు, అధికారులకు ఇచ్చే ఆతిథ్య వీసాల కాలపరిమితిని 10 ఏళ్ల నుంచి నెలకు తగ్గించింది ట్రంప్ ప్రభుత్వం.
- ఇదీ చూడండి: మోడెర్నా యాంటీబాడీల జీవితకాలం 3 నెలలు
