కరోనాను ఎదుర్కొంటున్న తీరుతో బ్రెజిల్ అధ్యక్షుడు బొల్సొనారో చర్చనీయాంశమయ్యారు. తాజాగా దేశంలోని కరోనా మరణాలపై స్పందించిన తీరుతో మరోమారు వార్తల్లో నిలిచారు బొల్సొనారో.
బ్రెజిల్లో వైరస్ కేసులు రోజురోజుకూ పెరుగుతున్నాయి. ఇప్పటివరకు 71వేల మందికిపైగా వైరస్ బారినపడ్డారు. తాజాగా మరణాల సంఖ్య(5,017) చైనాను దాటింది. దీనిపై ప్రశ్నించగా.. తానేమీ అద్భుతాలు చేయలేనని జవాబిచ్చారు అధ్యక్షుడు.
"మరణాల సంఖ్య పెరిగితే నన్నేం చేయమంటారు? నేనేనీ అద్భుతాలు చేయలేను."
--- బొల్సొనారో, బ్రెజిల్ అధ్యక్షుడు.
కరోనాతో ప్రపంచ దేశాలు బెంబేలెత్తుతుంటే... వైరస్ను చిన్న ఫ్లూగా అభివర్ణించి అనేకమంది నుంచి విమర్శలు ఎదుర్కొన్నారు బొల్సొనారో.
మరోవైపు బ్రెజిల్లోని మనౌస్ నగరం వైరస్కు కేంద్ర బిందువుగా మారింది. మృతదేహాలకు ఖననం చేసేందుకు పబ్లిక్ సిమెంటరీ(శ్మశానవాటిక)ను తెరవాల్సి వచ్చింది. రాత్రి పూట కూడా ఇది పనిచేస్తోంది.
