ప్రపంచ కుబేరుడు జెఫ్ బెజోస్ అంతరిక్షయాత్రకు సర్వం సిద్ధమైంది. మరికొద్ది గంటల్లో బెజోస్, ఆయన సోదరుడు మార్క్ బెజోస్ సహా మరో ఇద్దరు రోదసిలోకి ప్రయాణించనున్నారు. ఈ నేపథ్యంలో బ్లూ ఆరిజిన్ సంస్థ చేపడుతున్న ఈ అంతరిక్ష యాత్ర విశేషాలను ఓసారి చూసేద్దాం..
- పశ్చిమ టెక్సాస్ ఎడారిలోని ఓ మారుమూల ప్రాంతంలో ఉన్న లాంచ్ సైట్ వన్ నుంచి మంగళవారం ఉదయం 8 గంటలకు(భారత కాలమానం ప్రకారం మంగళవారం సాయంత్రం 6:30 గంటలకు) న్యూ షెపర్డ్ దూసుకెళ్లనుంది. దీనిని గంటన్నర ముందు నుంచే BlueOrigin.comలో ప్రత్యక్ష ప్రసారం చేయనున్నారు.
- ఈ పూర్తి స్వయంచాలిత ఫ్లైట్లో.. బెజోస్తో పాటు ప్రముఖ మహిళా పైలట్ వేలీ ఫంక్ వెళ్లనున్నారు. ఆమెకు 82 ఏళ్లు. దీనితో ప్రపంచంలోనే ఎక్కువ వయసున్న వ్యోమగామిగా ఆమె రికార్డు సృష్టించనున్నారు. వీరితో పాటు ప్రయాణించనున్న 18ఏళ్ల ఆలివర్‌ డేమన్‌.. అంతరిక్షంలోకి వెళుతున్న అత్యంత పిన్న వయస్కుడిగా గుర్తింపు పొందనున్నారు.
- ఈ రోదసి వీరుల బృందం.. భూవాతావరణానికి, రోదసికి సరిహద్దు అయిన కర్మాన్ రేఖ ఆవల, భూమి నుంచి 100కిలోమీటర్ల ఎత్తులో 11 నిమిషాలు గడుపనున్నారు.లాంచింగ్ స్టేషన్
- ఈ వ్యోమనౌక 65 మైళ్ల (106కి.మీలు) ఎత్తువరకు వెళ్లగలదు.
- రోదసికి చేరుకున్నాక అక్కడి నుంచి భూమిని, విశ్వాన్ని క్యాబిన్ నుంచి వీక్షించనుంది బెజోస్ బృందం. ఆ తర్వాత క్యాప్సుల్ తిరిగి భూమికి చేరుకుంటుంది. పెద్ద ప్యారచూట్ల సాయంతో యాత్రికులు కిందకి దిగుతారు.
- బెజోస్ బృందం ప్రయాణిస్తున్న క్యాప్సుల్కు పెద్ద విండోలు ఉండటం విశేషం. ఇంత భారీ విండోలతో అంతరిక్షాన్ని చూసే అవకాశం దక్కినందుకు గర్వపడుతున్నామని బెజోస్ బృందం వెల్లడించింది. ఇటీవలే రోదసి యాత్ర పూర్తి చేసిన బ్రిటన్ కుబేరుడు రిచర్డ్ బ్రాన్సన్ బృందం వెళ్లిన క్యాప్సుల్కు ఎరోప్లేన్ సైజ్ విండోలు మాత్రమే ఉన్నాయి.
- న్యూషెపర్డ్ వ్యోమనౌకకు ఎస్కేప్ సిస్టమ్ ఉంది. ఏమైనా సాంకేతిక లోపాలు తలెత్తితే వెంటనే యాత్రికులు ఉన్న క్యాప్సుల్, వ్యోమనౌక నుంచి విడిపోతుంది.
- 2012 నుంచి న్యూషెపర్డ్ వ్యోమనౌకను 15 సార్లు విజయవంతంగా ప్రయోగించింది బ్లూ ఆరిజన్. అయితే.. మానవసహిత ప్రయోగం మాత్రం ఇదే తొలిసారి.
- 'న్యూ షెపర్డ్' అభివృద్ధిలో మరాఠా అమ్మాయి సంజల్‌ గవాండే కీలక పాత్ర పోషించడం విశేషం.అంతరిక్షయాత్రకు సిద్ధమైన బెజోస్
ఇప్పుడిప్పుడే ప్రైవేటు అంతరిక్ష యాత్రలకు ఆసక్తి పెరుగుతున్న నేపథ్యంలో.. 'స్పేస్ టూరిజం' రంగానికి ఈ నెలలోనే ఇది రెండో పెద్ద ఘట్టం! బిలియనీర్ల మధ్య రోదసియానానికి తీవ్ర పోటీ నెలకొన్న వేళ ఇటీవలే దానిని విజయవంతంగా పూర్తి చేశారు వర్జిన్ గెలాక్టిక్ వ్యవస్థాపకుడు రిచర్డ్ బ్రాన్సన్.
ఇదీ చదవండి:
