నవంబరులో జరిగే ఎన్నికల్లో అమెరికా అధ్యక్షునిగా జో బైడెన్ను ఎన్నుకుంటే హెచ్-1బీ వీసా వ్యవస్థను ప్రక్షాళన చేస్తారని ఆయన ప్రచార బృందం తెలిపింది. గ్రీన్కార్డులకు దేశాల వారీగా ఉన్న కోటాను రద్దు చేసే దిశగా ప్రభుత్వం కృషి చేస్తుందని పేర్కొంది. ప్రధానంగా భారతీయ-అమెరికన్లను దృష్టిలో ఉంచుకునే బైడెన్ ఈ ప్రకటన చేశారు. భారత స్వాతంత్ర్య దినోత్సవాన్ని పురస్కరించుకుని ఈ మేరకు ప్రత్యేకంగా విధాన పత్రాన్ని విడుదల చేశారు.
కుటుంబ ఆధారిక వలస విధానానికి ప్రోత్సాహం లభిస్తుందని, కుటుంబ ఏకీకరణకు మద్దతు ఇస్తామని బైడెన్ మద్దతుదారులు తెలిపారు. శాశ్వత వీసా కోటాను కూడా పెంచుతున్నారు.
