అమెరికాలోని కొలంబియా జిల్లా కోర్టు న్యాయమూర్తిగా భారతీయ అమెరికన్ విజయ్ శంకర్ నియామకంపై అధ్యక్షుడు జో బైడెన్ కీలక నిర్ణయం తీసుకున్నారు. ఆయన్ను జడ్జీగా నియమించాలన్న మాజీ అధ్యక్షుడు డొనాల్డ్ ట్రంప్ చేసిన నామినేషన్ను రద్దు చేస్తున్నట్లు శ్వేతసౌథం గురువారం ప్రకటించింది. వాషింగ్టన్లో కార్యకలాపాలు నిర్వహించే కొలంబియా కోర్ట్ ఆఫ్ అప్పీల్స్కు విజయ్ శంకర్ను జడ్జీగా నియమించాలని.. గతేదాడి జూన్లో సెనేట్కు ప్రతిపాదించారు ట్రంప్. అయితే ఆ నామినేషన్ను సెనేట్ ఆమోదించలేదు.
ఇప్పటివరకు ట్రంప్ దాఖలు చేసిన 32 నామినేషన్లను బైడెన్ రద్దు చేశారు. వీటిలో 17 జడ్జీ నియామకాలకు సంబంధించి ఉండటం గమనార్హం. ట్రంప్ నామినేట్ చేసిన సమయానికి విజయ్ శంకర్ న్యాయశాఖలోని పునర్విచారణ విభాగానికి డిప్యూటీ చీఫ్గా విధులు నిర్వహిస్తున్నారు.
ఇదీ చదవండి : హెచ్1బీ వీసా నిబంధనల అమలు వాయిదా
