అగ్రరాజ్య అధ్యక్ష పగ్గాలను జో బైడెన్(Joe Biden) చేపట్టాక.. అమెరికా, చైనా సంబంధాలు(China Us News) క్షీణించాయన్న విమర్శలు వినిపిస్తున్న వేళ గురువారం కీలక పరిణామం జరిగింది. చైనా అధ్యక్షుడు షీ జిన్పింగ్తో బైడెన్ ఫోన్లో(Biden Phone Call) మాట్లాడారు. ద్వైపాక్షిక సంబంధాలపై(Us China Relationship) ఇరువురూ చర్చించారు. ఇరు దేశాధినేతల మధ్య విస్త్తృత, వ్యూహాత్మక సంభాషణ జరిగిందని వైట్హౌస్ ఓ ప్రకటనలో తెలిపింది.
"అమెరికా, చైనా దేశాధినేతలు తమ ఉమ్మడి ఆసక్తులపై చర్చించారు. తమ ఆసక్తులు, విలువలు, దృక్కోణాలు విభిన్న అంశాలపై చర్చించారు. ఈ సంభాషణలో ఇండో పసిఫిక్ ప్రాంతంలో శాంతి, స్థిరత్వం, శ్రేయస్సును అమెరికా కోరుకుంటోందని బైడెన్ చెప్పారు. ఇరు దేశాల మధ్య నెలకొన్న పోటీ.. వివాదాస్పదంగా మారకుండా బాధ్యత వహించాల్సిన అంశంపై వారు చర్చించారు."
-వైట్హౌస్.
సైబర్ భద్రతా నియమాలను చైనా ఉల్లంఘిస్తూ.. బలవంతపు/అన్యాయమైన వాణిజ్య పద్ధతులను చైనా అవలంబిస్తోందని అమెరికా ఆరోపణలు(Us China Conflict) చేస్తున్న తరుణంలో బైడెన్, జిన్పింగ్ మధ్య ఈ ఫోన్ సంభాషణ జరగడం గమనార్హం. అయితే.. జిన్పింగ్తో ఉద్రిక్తతలు నెలకొనే అంశాలపై కాకుండా.. అమెరికా, చైనా సంబంధాలపైనే ప్రధానంగా మాట్లాడినట్లు తెలుస్తోంది. బైడెన్ అధికారంలోకి వచ్చాక.. జిన్పింగ్తో ఫోన్లో మాట్లాడటం ఇది రెండోసారి.
వాతావరణ మార్పులను కట్టడి చేయడం, కొరియాలో అణు సంక్షోభాన్ని ఎదుర్కోవడం సహా ఇరు దేశాల మధ్య నెలకొన్న భేదాభిప్రాయాలను పరిష్కరించే దిశగా చైనా, అమెరికా కలిసి పని చేస్తాయని ఆశిస్తున్నట్లు వైట్హౌస్ తెలిపింది.
ఇదీ చూడండి: భారత్ సరిహద్దులకు దగ్గర్లో 30 విమానాశ్రయాలు!
ఇదీ చూడండి: China BRI 'చైనా చేపట్టిన ఆ ప్రాజెక్ట్తో పర్యావరణానికి ప్రమాదం'
