క్రిస్మస్ వేడుకల్లో మునిగిన అమెరికాలో బాంబు పేలుడు తీవ్ర కలకలం రేపింది. టెనెస్సీలోని నాష్విల్లేలో రోడ్డు పక్కన నిలిపి ఉంచిన ఓ వాహనంలో భారీ పేలుడు సంభవించింది. ఒకరు మరణించారు. మరో ముగ్గురు తీవ్రంగా గాయపడినట్లు అధికారులు వెల్లడించారు.
ఈ ఘటనతో ఆ ప్రాంతమంతా ఒక్కసారిగా ఉలిక్కిపడింది. పేలుడు ధాటికి సమీపంలోని ఇళ్లు, వాహనాలు పాక్షికంగా దెబ్బతిన్నాయి. భారీగా మంటలు ఎగిసి పడటంతో ఆకాశంలో దట్టమైన పొగలు అలుముకున్నాయి.
ఉద్దేశపూర్వకంగానే పేలుడు జరిపినట్లు పోలీసులు భావిస్తున్నారు. ఘటనా ప్రదేశంలో ఉన్న శరీరభాగాలు బాధితుడివా లేదా ఈ పేలుడుకు పాల్పడ్డ వ్యక్తివా అన్న దానిపై దర్యాప్తు చేస్తున్నారు. ఈ పేలుడు వెనుక ఉగ్రవాదుల కుట్ర ఏమైనా దాగుందా అన్న కోణంలో ఎఫ్బీఐ విచారణ జరుపుతోంది.
ఇదీ చూడండి: ఘోర రోడ్డు ప్రమాదం- నలుగురు మృతి
