ఉచితంగా కొవిడ్ పరీక్షలు చేసే కేంద్రాల వద్ద వెయిట్ చేయలేని వారు డబ్బులు చెల్లించి ప్రైవేట్ ఆసుపత్రులలో టెస్టులు చేయించుకుంటున్నారు. ఉచిత కేంద్రాలతో పోలిస్తే.. ఇక్కడ పరీక్ష ప్రక్రియ త్వరగా జరగడం సహా ఫలితాలు కూడా వేగంగా వస్తాయని చాలా మంది భావిస్తారు. ఇదే విధంగా ఆలోచించిన ఓ వ్యక్తి.. తన భార్యతో సహా ఓ ప్రైవేట్ సెంటర్లో కొవిడ్ పరీక్షలు చేయించుకున్నాడు. కానీ ఆ తర్వాత వచ్చిన బిల్లు చూసేసరికి అతనికి తల తిరిగినంత పనైంది. ఇంతకీ ఏం జరిగిందంటే..
అమెరికాలోని టెక్సాస్(Texas news today) రాష్ట్రం దల్లాస్కు చెందిన ట్రేవిస్ వార్నర్.. గతేడాది జూన్లో కొవిడ్ టెస్టు చేయించుకోవాల్సి వచ్చింది. ఫ్రీగా టెస్టులు చేసే సెంటర్లలో రద్దీ ఎక్కువగా ఉండటం సహా ఫలితాలకు ఎక్కువ సమయం పడుతుందని భావించిన వార్నర్.. ఓ ప్రైవేటు టెస్టింగ్ సెంటర్ను సంప్రదించాడు. లీవిస్విల్లీలోని సిగ్నేచర్ కేర్ ఎమర్జెన్సీ సెంటర్లో(Texas news today) పరీక్షలు నిర్వహిస్తున్నారని తెలుసుకున్న వార్నర్.. అతని భార్యతో సహా అక్కడికి వెళ్లి టెస్టులు చేయించుకున్నాడు. ఎమర్జెన్సీ రూమ్లో పరీక్షలు నిర్వహించడం వల్ల టెస్టింగ్ వేగంగానే పూర్తయింది.
బిల్లు చూసేసరికి..
కానీ అసలు సమస్య అంతా ఈ టెస్టింగ్కు(Texas news today) సంబంధించి అతనికి వచ్చిన ఈ-మెయిల్తో మొదలైంది. ఈ పరీక్షలకు అదనపు చార్జీలతో కలిపి వార్నర్కు 56,384 డాలర్లు (రూ.41,77,095) బిల్లు వచ్చింది. ఇంత భారీ మొత్తం బిల్లు వచ్చేసరికి వార్నర్కు ఏం చేయాలో అంతుచిక్కలేదు. చివరకి ఆసుపత్రి యాజమాన్యాన్ని సంప్రదించి.. ఆ బిల్లును 16,915 డాలర్లకు (రూ.12,53,113) తగ్గించుకుని ఆ మొత్తాన్ని చెల్లించేశాడు.
ఇదీ చూడండి : 'ప్రాంతీయ భద్రతకు భారత్-అమెరికా సైన్యాల సహకారం'
