Selling farts in a jar: అమెరికాలో ఓ టీవీ స్టార్ సోషల్ మీడియాను ఊపేస్తోంది. ఆమె వారానికి రూ.37లక్షలు ఎలా సంపాదిస్తుందో తెలిసి నెటిజన్లు అవాక్కవుతున్నారు. స్టిఫెనీ మ్యాటో అనే ఈ 31 ఏళ్ల టెలివిజన్ సెలబ్రిటీ చేస్తున్న పని తెలిస్తే మీరు కూడా షాక్ అవుతారు. ఇంతకీ ఈమె చేసేదేంటంటే.. అపానవాయువును జార్లో పెట్టి అమ్మడం. ఔను మీరు విన్నది నిజమే. స్టిఫెనీ 'బాంబులు' వేసే వారానికి లక్షలు గడిస్తోంది. ఆమె అభిమానులు కూడా ఏమాత్రం ఆలోచించకుండా వీటిని తెగ కొనేస్తున్నారు. రెండు రోజుల్లో 97 జార్లు అమ్ముడయ్యాయంటే వీటికి ఎంత డిమాండ్ ఉందో అర్థమవుతోంది.
ఏదైనా కొత్తగా, ఫన్నీగా ఉండే వ్యాపారం చేయాలని అనుకుంటున్న సమయంలో ఈ ఆలోచన తనకు వచ్చిందని స్టిఫెనీ చెబుతోంది. అపానవాయువును జార్ పెట్టి అందులో పూల రేకులను ఉంచి ప్యాక్ చేస్తోంది. ఇలా చేస్తే పూల రేకులు అపానవాయును కూడా సువాసన వచ్చేలా చేస్తాయని వివరించింది. ఇందుకు సంబంధించిన వీడియోను ఆమె సోషల్ మీడియాలో షేర్ చేయగా 66లక్షల మంది వీక్షించారు.
90 Day Fiance star selling farts
'90 డేస్ ఫియాన్స్' టీవీ షోతో స్టిఫెనీ తెగ పాపులర్ అయింది. అనంతరం ఆమె స్వతహాగా యూట్యూబ్ ఛానల్ ప్రారంభించింది. అందులోనే ఈ వివరాలను వెల్లడించింది. తన ధరించిన బ్రాలు, ప్యాంటీలు, దుస్తులు, సబ్బులు సహా ఇతర వస్తువులు కావాలని తన అభిమానుల నుంచి వందల సంఖ్యలో సందేశాలు వచ్చాయని స్టిఫెనీ మ్యాటో వెల్లడించింది. ఇప్పటికే 97 అపానవాయువు జార్లు విక్రయించినట్లు తెలిపింది. అంతేకాదు అభిమానులకు ధర విషయంలో భారం కాకూడదని డిస్కౌంట్తో కలిపి ఓక్కో జార్ను 1000 డాలర్లకు విక్రయిస్తోంది.
Stephanie Matto News
అపానవాయువు ఎక్కువ విడుదల కావడానికి ఎలాంటి ఆహారం తీసుకుంటుందో కూడా వీడియోలో వివరించింది స్టిఫెనీ. బీన్స్, ప్రొటీన్ మఫిన్, గట్టిగా ఉడికించిన గుడ్లు, ప్రొటీన్ షేక్, పెరుగు వంటివి ఆరగిస్తున్నట్లు చెప్పింది. మొదట పబ్లిసిటీ స్టంట్ కోసమే స్టిపెనీ ఈ ఆలోచన చేసినా.. ఇప్పుడే అదే ఆమెకు కనకవర్షం కురిపించడం గమనార్హం.
Selling farts in a jar 90 day fiance
స్టిఫెనీకి ఇప్పటికే కొంతమంది నుంచి ఇబ్బందికర పరిస్థితి ఎదురైంది. ఆమె ఇంటి అడ్రస్ తెలిసిన పలువురు దుండగులు ఆమెను వేధించారు. అప్పటి నుంచి ఇంటి కాపలాను పటిష్ఠం చేసింది. ఎప్పుడూ బియర్ స్ప్రేను దగ్గర పెట్టుకుంటోంది. ఆంగుతుకులు వస్తే దాడి చేస్తే శునకాన్ని గేటు వద్ద ఉంచుతోంది. అంతేకాదు గన్ లైసెన్స్ కోసం ప్రయత్నిస్తున్నట్లు చెప్పింది.
ఈ ఏడాది మార్చిలో బ్రూక్లిన్కు చెందిన ఓ ఫిల్మ్ డైరెక్టర్ కూడా ఇదే తరహా ఆలోచన చేశాడు. 'బాంబుల' శబ్దాలను రికార్డు చేసి 85డాలర్లకు విక్రయించాడు.
ఇదీ చదవండి: 'ఒమిక్రాన్ వ్యాప్తి 70రెట్లు ఎక్కువ.. కానీ ఆ విషయంలో మాత్రం వీక్!'
