కరోనా సంక్షోభంతో ప్రతి ఐదుగురిలో ఇద్దరు భారతీయ అమెరికన్లు.. తమ దీర్ఘకాలిక ఆర్థిక స్థిరత్వంపై ఆందోళనపడుతున్నట్టు ఓ సర్వేలో తేలింది. అయితే దాదాపు అందరూ తమ జీవనశైలిని మార్చుకుంటున్నట్టు పేర్కొంది.
కరోనా వైరస్ నేపథ్యంలో భారతీయ అమెరికన్ సంఘంపై సర్వే జరగడం ఇదే తొలిసారి. ఫౌండేషన్ ఫర్ ఇండియా అండ్ ఇండియన్ డయాస్పొర స్టడీస్(ఎఫ్ఐఐడీఎస్) ఈ సర్వే చేపట్టింది.
సర్వే ప్రకారం.. 30శాతం మంది.. తమ ఉద్యోగాలు, ఇంటర్న్షిప్పై కరోనా సంక్షోభం ప్రభావం పడిందని పేర్కొన్నారు. ప్రతి ఆరుగురిలో ఒక్కరికి కరోనా పాజిటివ్గా తేలిన లేదా వైరస్ నిర్ధరణ అయిన వారి కుటుంబ సభ్యుల వివరాలు తేలుసుకోవడం జరిగింది.
సర్వేలోని మరిన్ని విషయాలు...
- ప్రతి ఆరుగురిలో ఐదుగురి కుటుంబ సంబంధాలపై కరోనా సంక్షోభం ఎలాంటి ప్రభావం చూపలేదు.
- ప్రతి నలుగురిలో ఒకరు ఒత్తిడికి లోనయ్యారు.
- సంఘంలోని కొద్ది మంది మాత్రమే వలస సమస్యలను ఎదుర్కొన్నారు.
- అగ్రరాజ్యం జనాభాకు మాస్కులు, ఆహార పొట్లాలు, వైద్య సేవలు అందించడానికి చాలా మంది భారతీయ అమెరికన్లు తమ శక్తికి మించిన కృషి చేశారు.
ఇదీ చూడండి:- వాషింగ్టన్ అత్యున్నత కోర్టు జడ్జిగా భారతీయ అమెరికన్!
