సర్చ్ వారెంట్ జారీ చేసేందుకు వెళ్లిన అమెరికా అత్యున్నత దర్యాప్తు విభాగం(ఎఫ్బీఐ) అధికారులపైనే కాల్పులు జరిపాడు దుండగుడు. ఈ ఘటనలో ఇద్దరు ఎఫ్బీఐ ఏజెంట్లు మరణించారు. మరో ముగ్గురికి గాయాలయ్యాయి. వీరిని సమీప ఆస్పత్రులకు తరలించారు.
చిన్నపిల్లలపై హింస సహా ఇతర ఆకృత్యాలకు పాల్పడిన కేసులో నిందితుడిపై ఆరోపణలు ఉన్నాయి. ఈ నేపథ్యంలోనే కోర్టు.. అతడిపై సర్చ్ వారెంట్ జారీ చేసింది. న్యాయస్థానం ఆదేశాల మేరకు నిందితుడి ఇంటికి వెళ్లగా లోపలినుంచే ఎఫ్బీఐ ఏజెంట్లపై కాల్పులు జరిపాడు. దీంతో.. అక్కడికి ఒక్కసారిగా భారీగా పోలీసులు చేరుకున్నారు. సమీప ఇళ్లలోని ప్రజలను బయటకు రావొద్దని సూచించారు.
ఎదురుకాల్పుల అనంతరం.. నిందితుడిని హతమార్చినట్లు వెల్లడించారు పోలీసులు. అయితే.. ఈ ఘటనలో ఇద్దరు ఎఫ్బీఐ ఏజెంట్లూ ప్రాణాలు కోల్పోయారు.
మరోచోట ఘోరం..
అంతకుముందు.. ఓక్లహోమాలో ఘోరం జరిగింది. మస్కోగీలోని ఓ ఇంట్లో జరిగిన కాల్పుల్లో ఆరుగురు మరణించారు. వీరిలో ఐదుగురు చిన్నారులు ఉన్నారు.
ఇదీ చూడండి: అమెరికాలో కాల్పులు- ఐదుగురు చిన్నారులు మృతి
