కొవాక్స్ ద్వారా 'ఘనా'కు భారతీయ టీకాలు

పేద దేశాలకు కరోనా టీకా అందించేందుకు ఐరాస ఆధ్వర్యంలో ఏర్పడిన ప్రపంచ కూటమి 'కొవాక్స్' ద్వారా టీకాలు అందుకున్న మొదటి దేశంగా ఘనా నిలిచింది. ఈ మేరకు 6 లక్షల ఆస్ట్రాజెనెకా వ్యాక్సిన్ డోసులు భారత్​ నుంచి పంపిణీ కావడం విశేషం.

పేద దేశాలకు కరోనా టీకా ​ అందించాలన్న ఉద్దేశంతో ఏర్పాటైన 'కొవాక్స్' కార్యక్రమానికి భారత్​ తనవంతు సహకారాన్ని అందించింది. ఈ మేరకు ఆస్ట్రాజెనెకా-సీరం ఇనిస్టిట్యూట్ ఆఫ్ ఇండియా భాగస్వామ్యంతో ఉత్పత్తైన టీకాలను పశ్చిమాఫ్రికా దేశమైన 'ఘనా'కు సరఫరా చేసింది.

యూనిసెఫ్ ఆధ్వర్యంలో పంపిణీ అయిన ఈ 6 లక్షల టీకాలు బుధవారం తెల్లవారుజామున ఎక్రా అంతర్జాతీయ విమానాశ్రయానికి చేరుకున్నాయి.

ఇదీ చదవండి: ఆఫ్రికాలో లక్ష మార్క్ దాటిన కరోనా మరణాలు