రెండు వాహనాలు ఢీ-10 మంది మృతి

నైజీరియాలో ఘోర రోడ్డు ప్రమాదం జరిగింది. రెండు వాహనాలు ఎదురుగా వచ్చి ఢీకొనగా.. ఒక్కసారిగా మంటలు చెలరేగాయి. ఈ ఘటనలో 10 మంది మరణించారు. మరో 16 మందికి తీవ్రగాయాలయ్యాయి. అతివేగం వల్ల ఈ ప్రమాదం జరిగిందని పోలీసులు నిర్ధరించారు.

పశ్చిమ నైజీరియా క్వారా రాష్ట్రం ఇదోఫియాన్​-ఇల్లోరిన్​ మార్గంలో ఘోర రోడ్డు ప్రమాదం జరిగింది. ఎదురుగా వస్తున్న రెండు వాహనాలు ఢీకొన్నాయి. దీంతో ఒక్కసారిగా వాహనాల్లో మంటలు చెలరేగాయి. ఈ ఘటనలో 10 మంది అక్కడికక్కడే మృతి చెందారు. మరో 16 మందికి గాయాలైనట్లు పోలీసులు తెలిపారు. మరొకరిని సురక్షితంగా కాపాడామని వివరించారు. క్షతగాత్రులను స్థానిక ఆసుపత్రికి తరలించామన్నారు. అతివేగం కారణంగా ఈ ప్రమాదం జరిగిందని పేర్కొన్నారు.