చిత్రసీమలో సెంటిమెంట్లు ఎక్కువన్న సంగతి తెలిసిందే. అలానే సినిమాల సక్సెస్ విషయంలో ఓ ఫార్ములా హిట్ అయితే.. అదే ట్రెండ్ను కొనసాగిస్తుంటారు దర్శకనిర్మాతలు. కానీ ఈ ట్రెండ్ ఎప్పుడు ఒకేలా ఉండదు. ఒక్కోసారి ఒక్కోలా ఉంటుంది. అయితే ఇప్పుడు ఏజెంట్ సినిమా మూవీ టీమ్ కూడా ఓ సెంటిమెంట్ అండ్ హిట్ ఫార్ములాను ఫాలో అయింది. దానిపై బాగా న‌మ్మ‌కం పెట్టుకున్నట్లు క‌నిపిస్తోంది. అదేంటంటే.. ఈ చిత్రం అనౌన్స్ చేసినప్పటి నుంచి కూడా పక్కా యాక్షన్ థ్రిల్లర్ సినిమాగా రూపొందుతున్న సంగతి తెలిసిందే. అయితే రీసెంట్గా రిలీజైన ఈ చిత్ర ట్రైల‌ర్లో హీరో అక్కినేని అఖిల్ ఆఖర్లో.. మెషీన్ గ‌న్ను ప‌ట్టుకుని విధ్వంసం సృష్టిస్తాడు. ఆ షాట్ మాస్ ప్రేక్ష‌కుల దృష్టిని బాగా ఆక‌ర్షించింది. క‌థ‌లో భాగంగానే అఖిల్ ఈ యాక్షన్ ఫీట్ చేసినప్పటికీ.. ఆడియెన్స్ మాత్రం ఆ సీన్ చూడగానే.. గత చిత్రాలను బాగా గుర్తుచేసుకుంటున్నారు.
అదేంటంటే.. గత కొంతకాలంగా హీరోలు.. తమ చిత్రాల్లో మెషీన్ గన్తో విధ్వంసం సృష్టిస్తున్న సంగతి తెలిసిందే. ఆ చిత్రాలు వ‌రుస‌గా బ్లాక్‌బ‌స్ట‌ర్లు అవుతున్నాయి. ఇప్పుడది చిత్రసీమలో అదొక సెంటిమెంట్గా, లేదంటే ఓ హిట్ ఫార్ములా మారిపోయిందనే చెప్పాలి! గతంలో ఈ మెషిన్ గన్తో యాక్షన్ సీన్స్ చాలా సినిమాల్లో ఉన్నప్పటికీ.. తమిళంలో కార్తి హీరోగా రూపొందిన ఖైదీలో ఉన్న మెషిన్ గన్ సన్నివేశం అభిమానులకు గూస్ బంప్స్ తెప్పించింది. ఈ చిత్రం చివ‌ర్లో కార్తి పోలీస్ స్టేషన్ దగ్గర.. మెషీన్ గన్తో విలన్లపై విరుచుకుపడుతూ విధ్వంసం సృష్టిస్తాడు. ఆ సీన్ సినిమాకే హైలైట్గా నిలిచింది. ఆ త‌ర్వాత 'కేజీయఫ్-2'లో రాకీ భాయ్గా యశ్ కూడా ఇంటర్వెల్ సీన్లో మెషీన్ గన్తో పోలీస్ స్టేషన్, పోలీస్ జీప్లపై బుల్లెట్ల వర్షం కురిపిస్తాడు. ఆ సన్నివేశం థియేటర్లలో దద్దిరిల్లిపోయింది. ఆ చిత్రం ఇండియావైడ్గా మెగా బ్లాక్‌బ‌స్ట‌ర్ హిట్ అయింది. అనంతరం యూనివర్సల్ స్టార్ క‌మ‌ల్ హాస‌న్ 'విక్ర‌మ్' మూవీలో ఇలాంటి విన్యాస‌మే చేశారు. క్లైమాక్స్లో పాత కాలం నాటి నాటు మెషీన్ గ‌న్ను వినియోగిస్తూ రౌడీషీటర్లపై బులెట్లతో విరుచుకుపడతారు. ఆ మూవీ కూడా అదిరిపోయే సక్సెస్ను అందుకుంది. ఇక రీసెంట్గా వాల్తేరు వీర‌య్య‌లో చిరంజీవి కూడా.. విలన్లపై ఇదే బడా గన్తో విరుచుకుపడతారు. ఈ చిత్రం కూడా సూపర్హిట్గా నిలిచింది. ఇప్పుడు అఖిల్ కూడా మెషీన్ గన్ ప‌ట్టుకుని.. బాక్సాఫీస్పై విధ్వంసానికి దిగుతున్నాడు. మరి బాక్సాఫీస్ షేక్ అవుతుందో లేదో చూడాలి.
- " class="align-text-top noRightClick twitterSection" data="">
ఇదీ చూడండి: 'బుజ్జి కన్న' ఇవానా పాప టాలీవుడ్కు వచ్చేస్తుందోచ్.. ఏ సినిమాతో అంటే?
