వరుణ్-లావణ్యల పెళ్లి కాస్ట్యూమ్స్ - వామ్మో ఎన్ని లక్షలో తెలుసా? - వరుణ్ తేజ్ లావణ్య త్రిపాఠి వివాహం

Varun Tej Lavanya Wedding Costumes Price : మెగా ఫ్యామిలీ నుంచి మరో హీరో ఓ ఇంటివాడయ్యాడు. బుధవారం ఇటలీలో జరిగిన డెస్టినేషన్ వెడ్డింగ్లో హీరోయిన్ లావణ్య త్రిపాఠి మెడలో మూడు ముళ్లు వేశాడు నాగబాబు తనయుడు వరుణ్ తేజ్. అయితే ఈ వేడుకలో వధూవరులు ఇద్దరు వేసుకున్న కాస్ట్యూమ్స్ గురించి ఇంట్రెస్టింగ్ న్యూస్ బయటకు వచ్చింది. వారి ధర ఎన్ని లక్షలంటే?

Varun Tej Lavanya Wedding Costumes Designer

Varun Tej Lavanya Tripathi Wedding Dress

Published : Nov 2, 2023, 12:14 PM IST

Varun Tej Lavanya Wedding Costumes Price : మెగా బ్రదర్ నాగబాబు - పద్మజ తనయుడు మెగా ప్రిన్స్ వరుణ్ తేజ్, దేవరాజ్ - కిరణ్ త్రిపాఠిల కుమార్తె లావణ్య త్రిపాఠిల వివాహం బుధవారం ఇటలీలో అట్టాహాసంగా జరిగింది. మెగా ఫ్యామిలీ, బంధువుల సమక్షంలో ఈ జంట ఒక్కటయ్యారు. మూడు రోజుల పాటు గ్రాండ్గా జరిగిన ఈ డెస్టినేషన్ వెడ్డింగ్లో చివరి రోజు లావణ్య మెడలో మూడు ముళ్లు వేశారు వరుణ్ తేజ. ఇటలీలోని అత్యంత పూరాతన గ్రామం అయిన టుస్కానీలోని బోర్గో శాన్ ఫెలిస్ రిసార్ట్‌లో ఈ పెళ్లి వేడుకలు జరిగాయి. విశేషం ఏంటంటే.. వీరిద్దరు పెళ్లి చేసుకున్న చోటే తమ ప్రేమను మొదటి సారి ఒకరినొకరికి చెప్పుకున్నారట. అయితే ఈ వివాహ తంతులో వధూవరులిద్దరూ ధరించిన పెళ్లి డ్రెస్ గురించి ఇప్పుడు ఓ ఆసక్తికరమైన విషయం బయటకు వచ్చింది.

డిజైనర్ ఎవరంటే.. తమ పెళ్లిలో వరుణ్ తేజ్ క్రీమ్ కలర్డ్ గోల్డ్ షేర్వానీలో మెరవగా.. లావణ్య త్రిపాఠి ప్రత్యేకంగా కూర్చిన ఎరుపు రంగు కాంచీపురం చీరలో యువరాణిలా కనిపించింది. అయితే ఈ పెళ్లి కాస్ట్యూమ్స్ను డిజైన్ చేసింది మరెవరో కాదు.. వెడ్డింగ్ డిజైనర్గా పేరొందిన మనీశ్ మల్హోత్రా. ఈయన దేశంలోని పలు సెలబ్రిటీల వివాహాలకు ఇప్పటివరకు ఎన్నో రకాల కాస్ట్యూమ్స్ను డిజైన్ చేశారు.

View this post on Instagram

A post shared by Varun Tej Konidela (@varunkonidela7)

పంచకట్టులో మెగా బ్రదర్స్.. అయితే ఈ పెళ్ళి డ్రెస్ కోసం లక్షల్లో ఖర్చు అయినట్లు సమాచారం. వీటి విలువ సుమారు రూ.50 లక్షల వరకు ఉంటుందని ఓ అంచనా. ఇక ఈ వివాహ వేడుకకు మెగా ఫ్యామలీ మొత్తం హాజరయ్యారు. అన్నదమ్ములు మెగాస్టార్ చిరంజీవి లైట్ గ్రీన్ కలర్ కుర్తాలో, నాగబాబు క్రీమ్ కలర్ కుర్తా, పంచకట్టులో కనిపించారు. అలాగే మిగతా మెగా హీరోలైన ఐకాన్ స్టార్ అల్లు అర్జున్, అల్లు శిరీష్, సాయిధరమ్ తేజ్, వైష్ణవ్ తేజ్లు కూడా కుర్తా పైజామా ధరించి పైనుంచి కోట్ ధరించారు. ఇక గ్లోబల్ స్టార్ రామ్ చరణ్, పవర్ స్టార్ పవన్ కల్యాణ్ మాత్రం సింపుల్గా క్యాజువల్స్ దుస్తుల్లో కనువిందు చేశారు.

వారికోసం గ్రాండ్గా రిసెప్షన్.. నవంబర్ 1న జరిగిన ఈ వివాహ వేడుకకు మెగా ఫ్యామిలీ, లావణ్య కుటుంబసభ్యులు, అత్యంత సన్నిహితులు మాత్రమే హాజరయ్యారు. ఇక ఈ వారంలోనే హైదరాబాద్లో గ్రాండ్గా రిసెప్షన్ను కూడా ఏర్పాటు చేయనున్నట్లు సమాచారం. ఈ ఫంక్షన్కు ఇండస్ట్రీ ప్రముఖులు, సినీ తారలు, రాజకీయ నేతలు హాజరు కానున్నట్లు తెలుస్తోంది.