Ustaad Bhagat Singh Remake : పవర్ స్టార్ పవన్ కల్యాణ్ హీరోగా డైరెక్టర్ హరీశ్ శంకర్ దర్శకత్వంలో తెరకెక్కిస్తోన్న యాక్షన్ చిత్రం 'ఉస్తాద్ భగత్సింగ్'. ఈ చిత్రం పై ప్రేక్షకుల్లో అభిమానుల్లో భారీ అంచనాలు నెలకొన్నాయి. గబ్బర్‌ సింగ్ తరువాత పవన్-హరీశ్ శంకర్‌ల కాంబినేషన్లో రానున్న ఈ చిత్రంలో పవన్ కల్యాణ్ పోలీస్‌ పాత్రలో కనిపించనున్నారు. ఆయన సరసన మోస్ట్‌ వాంటెడ్ హీరోయిన్‌ శ్రీలీల నటిస్తోంది. ఈ సినిమాకు దేవీశ్రీ ప్రసాద్‌ సంగీతం అందిస్తున్నారు. శరవేగంగా షూటింగ్ జరుగుతున్న ఈ చిత్రంలో ఇటీవలే ముఖ్యమైన భాగాన్ని పూర్తి చేశారు.
అయితే ఈ సినిమా రీమేకా అని నెటిజన్ అడిగిన ప్రశ్నకు దర్శకుడు హరీశ్ శంకర్ ఎక్స్ వేదికగా సమాధానం చెప్పారు. "నాపై నమ్మకం ఉంచండి. మీ ఎదురుచూపులకు తగ్గట్లు సినిమా ఉంటుంది. మీరు ఎంత భారీగా అంచనాలు పెట్టుకున్నా.. వాటిని ఈ చిత్రం కచ్చితంగా అందుకుంటుంది" అని సమాధానం ఇచ్చారు. సోషల్ మీడియాలో #Askharish పేరుతో ఎక్స్‌లో చాట్ నిర్వహించి అభిమానులతో ముచ్చటించారు. ఇందులో ఆసక్తికర విషయాలను పంచుకున్నారు. ఆయన అప్‌కమింగ్‌ సినిమాలకు సంబంధించిన విశేషాలను షేర్ చేశారు.
'మీ సినిమాలు రీమేక్‌లా ఉంటాయని టాక్ వినిపిస్తుంటుంది. మీరు కాపీ కంటెంట్‌ వాడతారా?' అని అడిగిన ప్రశ్నకు ఈ విధంగా స్పందించారు. "నా వర్క్‌ నిజంగా తెలిసిన వారు వాటిని రీమేక్‌లు అని పిలవడానికి సిగ్గుపడతారు. నా పనిని చూసి నేనెప్పుడూ గర్వపడుతుంటా. విమర్శించేవారు ఉన్నప్పుడే మనం ఇంకా మెరుగ్గా ప్రయత్నిస్తాం" అని హరీశ్ శంకర్ బదులిచ్చారు.
ఉస్తాద్ భగత్సింగ్ కూడా గబ్బర్‌సింగ్‌ రేంజ్‌లో ఉంటుందా?
హరీశ్ శంకర్: పనిచేయడం మాత్రమే మన చేతుల్లో ఉంటుంది. ఫలితం కాదు. అయినా.. దానికి మించి ఉండాలని కోరుకుందాం.
ఈ సినిమాను ఫ్యామిలీతో కలిసి చూడొచ్చా?
హరీశ్ శంకర్: కచ్చితంగా చూడొచ్చు. ఇది యూత్‌, మాస్ ఆడియన్స్‌కు కూడా నచ్చుతుంది. ప్రతి ప్రేక్షకుడికి కన్నుల పండుగగా ఉంటుంది.
ఇలాంటి పెద్ద సినిమా తీస్తున్నప్పుడు ఒత్తిడి గురైతారా?
హరీశ్ శంకర్: ఒత్తిడి ఎప్పుడూ ఉంటుంది. కానీదాన్ని జయించగలగాలి.
భవిష్యత్తులో ఏ జోనర్‌లో సినిమాలు తీస్తారు?
హరీశ్ శంకర్: మానవ సంబంధాలు, లవ్‌స్టోరీలు.. ఈ రెండు జోనర్‌లలో తీస్తాను.
OG - Gunturu Karam - Devara Updates : దసరా స్పెషల్.. పవన్-మహేశ్-ఎన్టీఆర్ నుంచి అదిరిపోయే అప్డేట్స్
Pawan Kalyan Upcoming Projects : పవన్ ఫ్యాన్స్.. వీటిపై అస్సలు ఆశలు పెట్టుకోవద్దు.. డౌటే!
