Mahesh Babu Workout Routine : సూపర్స్టార్ మహేశ్బాబు అనగానే అందరూ మాట్లాడుకునే విషయం ఏదైనా ఉందంటే.. అది ఆయన ఫిట్నెస్ గురించే. ఎందుకంటే 47 ఏళ్ల వయసులో కూడా 25 ఏళ్ల యువకుడిలా ఎలా ఫిట్గా ఉన్నారని ప్రతిఒక్కరూ ఆశ్చర్యపోతారు. అంతలా తన బాడీను మెంటెయిన్ చేస్తూ వస్తున్నారు సూపర్స్టార్ మహేశ్. ఫిట్నెస్కు సంబంధించిన సీక్రెట్ ఏంటో చెప్పమంటూ మహేశ్ను అనేక సందర్భాల్లో చాలా మంది అడిగారు. అయితే ఆయన మాత్రం మంచి పోషకాహారంతో కూడిన ఆహారంతో పాటు వ్యాయామం క్రమం తప్పకుండా చేస్తానని క్లారిటీ ఇచ్చారు. ఇదిలా ఉంటే తన బాడీ ఫిట్నెస్కు సంబంధించి జిమ్లో వర్కవుట్స్ చేస్తున్న ఓ వీడియోను ఆయన తన ఇన్స్టా హ్యాండిల్లో పోస్ట్ చేశారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.
మీరు ఎన్ని సెట్స్ చేయగలరు..?
మహేశ్ పోస్ట్ చేసిన ఈ వీడియోకు క్యాప్షన్గా ‘శనివారం మెరుపులు.. ఒక నిమిషం ల్యాండ్‌మైన్‌ ప్రెస్‌, ఒక నిమిషం కెటెల్‌బెల్‌ స్వింగ్స్‌, ఒక నిమిషం స్కిల్‌మిల్‌ రన్‌.. మీరెన్ని సెట్స్ చేయగలరు’ అని అభిమానులను ప్రశ్నించారు. ఈ వీడియోలో మహేశ్ జిమ్లో ఉండే కొన్ని ఎక్విప్మెంట్స్తో ఒక్కో నిమిషం పాటు వర్కవుట్ చేస్తూ కనిపించారు.
ఆ సినిమా కోసమేనా..?
Mahesh Babu Movies : మహేశ్బాబు సినిమాల విషయానికొస్తే.. ప్రస్త్తుతం త్రివిక్రమ్ దర్శకత్వంలో 'గుంటూరు కారం'లో నటిస్తున్నారు. వచ్చే ఏడాది సంక్రాంతి కానుకగా ఈ సినిమాను విడుదల చేసేందుకు ప్లాన్ చేస్తున్నారు మేకర్స్. ఇక ఈ ప్రాజెక్ట్ తర్వాత జక్కన్నతో కలిసి త్వరలోనే ఓ పాన్ ఇండియా చిత్రంలో నటించనున్నారు. ప్రస్తుతం ఈ సినిమాకి సంబంధించిన స్క్రిప్ట్ పనులు జరుగుతున్నాయి. ఈ చిత్రానికి సంబంధించిన వివరాలను ఆగస్టు 9న మహేష్ బాబు పుట్టినరోజు సందర్భంగా అధికారికంగా ప్రకటించే అవకాశం ఉంది. ఈ సినిమా కోసం పూర్తి కథను సిద్ధం చేసేందుకు దర్శకుడు రాజమౌళికి మరో రెండు నెలలు పట్టనుందట. ఆ తర్వాత మహేష్ బాబుకు మరోసారి కథ మొత్తం చెప్పనున్నారని తెలుస్తోంది. ఆ తర్వాత ప్రీ విజువలైజేషన్, ప్రీ ప్రొడక్షన్ వర్క్ స్టార్ట్ చేయనున్నారట. ఇక ఈ మూవీ కోసమే మహేశ్ బాడీ ఫిట్నెస్ విషయంలో ఇంతలా కష్టపడుతున్నాడని ఫ్యాన్స్ అంటున్నారు.
