Adipurush Jai shri Ram Song : టాలీవుడ్ స్టార్ హీరో ప్రభాస్ లీడ్ రోల్లో తెరకెక్కుతున్న మైథలాజికల్ మూవీ 'ఆదిపురుష్'. ఇప్పటికే రిలీజైన టీజర్, ట్రైలర్తో సినిమాపై అభిమానులకు ఓ రేంజ్లో అంచనాలు పెరిగిపోయాయి. అయితే ఈ సినిమాకు ఆయువులా జై శ్రీ రామ్ సాంగ్ విశేషాదరణను సంతరించుకుంది. మహిమాన్విత మంత్రం నీ నామం అంటూ సాగే ఈ సాంగ్ చిన్న గ్లింప్స్ ఫ్యాన్స్కు గూస్బంప్స్ తెప్పించగా.. తాజాగా ఈ సాంగ్ ఫుల్ వెర్షన్ బయటకి వచ్చింది. అయితే ఈ సాంగ్ మొత్తం ఓ రేంజ్లో ఉందని అభిమానులు అభిప్రాయపడుతున్నారు. లిరిక్స్, మ్యూజిక్, విజువల్స్ ఇలా అన్నీ ఈ సాంగ్లో హైలైట్గా ఉన్నాయని కామెంట్లు పెడుతున్నారు. స్టార్ మ్యూజిక్ డైరెక్టర్స్ అజయ్-అతుల్ ఈ సాంగ్కు స్వరాలు సమకూర్చగా.. తెలుగులో రామజోగయ్యశాస్త్రి సాహిత్యం అందించారు. 'ఎవరు ఎదురు రాగలరు మీ దారికి.. ఎవరికుందీ ఆ అధికారం.. పర్వత పాదాలు వణికి కదులుతాయి మీ హూంకారానికి.. ' అంటూ ప్రభాస్ వాయిస్‌ఓవర్తో మొదలైన ఈ సాంగ్ వింటుంటే ఒళ్లు గగురుపొడిచేలా ఉందని.. ఇక నుంచి ప్రతి శ్రీరామనవమికి ప్లే లిస్ట్‌లో ఈ పాట ఖాయమంటూ ప్రభాస్ అభిమానులు కామెంట్స్‌ పెడుతున్నారు.
- " class="align-text-top noRightClick twitterSection" data="">
