Adipurush Jai shri Ram Song : టాలీవుడ్ స్టార్ హీరో ప్రభాస్ లీడ్ రోల్లో తెరకెక్కుతున్న మైథలాజికల్ మూవీ 'ఆదిపురుష్'. ఇప్పటికే రిలీజైన టీజర్, ట్రైలర్తో సినిమాపై అభిమానులకు ఓ రేంజ్లో అంచనాలు పెరిగిపోయాయి. అయితే ఈ సినిమాకు ఆయువులా జై శ్రీ రామ్ సాంగ్ విశేషాదరణను సంతరించుకుంది. మహిమాన్విత మంత్రం నీ నామం అంటూ సాగే ఈ సాంగ్ చిన్న గ్లింప్స్ ఫ్యాన్స్కు గూస్బంప్స్ తెప్పించగా.. తాజాగా ఈ సాంగ్ ఫుల్ వెర్షన్ బయటకి వచ్చింది. అయితే ఈ సాంగ్ మొత్తం ఓ రేంజ్లో ఉందని అభిమానులు అభిప్రాయపడుతున్నారు. లిరిక్స్, మ్యూజిక్, విజువల్స్ ఇలా అన్నీ ఈ సాంగ్లో హైలైట్గా ఉన్నాయని కామెంట్లు పెడుతున్నారు. స్టార్ మ్యూజిక్ డైరెక్టర్స్ అజయ్-అతుల్ ఈ సాంగ్కు స్వరాలు సమకూర్చగా.. తెలుగులో రామజోగయ్యశాస్త్రి సాహిత్యం అందించారు. 'ఎవరు ఎదురు రాగలరు మీ దారికి.. ఎవరికుందీ ఆ అధికారం.. పర్వత పాదాలు వణికి కదులుతాయి మీ హూంకారానికి.. ' అంటూ ప్రభాస్ వాయిస్‌ఓవర్తో మొదలైన ఈ సాంగ్ వింటుంటే ఒళ్లు గగురుపొడిచేలా ఉందని.. ఇక నుంచి ప్రతి శ్రీరామనవమికి ప్లే లిస్ట్‌లో ఈ పాట ఖాయమంటూ ప్రభాస్ అభిమానులు కామెంట్స్‌ పెడుతున్నారు.
- " class="align-text-top noRightClick twitterSection" data="">
Adipurush movie : ఇక సినిమా విషయానికి వస్తే.. రామాయణాన్ని ఆధారంగా చేసుకుని తెరకెక్కుతున్న ఈ సినిమాలో రాఘవునిగా ప్రభాస్ నటించగా.. జానకిగా కృతిసనన్ నటిస్తున్నారు. లక్ష్మణుడిగా సన్నీ సింగ్, హనుమంతునిగా దేవదత్త్ నాగే, లంకేశునిగా సైఫ్ అలీ ఖాన్ నటిస్తున్నారు. ఓం రౌత్ తెరకెక్కిస్తున్న ఈ సినిమాను రెట్రో ఫైల్స్, టి సిరీస్ ఫిలిమ్స్, సంయుక్తంగా నిర్మిస్తోంది. ఈ సినిమా ప్రపంచవ్యాప్తంగా జూన్ 16న విడుదలయ్యేందుకు సిద్ధమవుతోంది. ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనుల్లో బిజీగా ఉంది. ఈ క్రమంలోనే ప్రమోషన్లను ప్రారంభించిన మూవీ టీమ్.. కొత్త పోస్టర్లు, లిరికల్‌ సాంగ్స్‌ను ఒక్కొక్కటిగా ప్రేక్షకుల ముందుకు తీసుకువస్తోంది.
Adipurush Special event : మరోవైపు ఈ సినిమా జూన్లో రిలీజవ్వనున్న నేపథ్యంలో ప్రమోషన్స్ను గ్రాండ్గానే ప్లాన్ చేసింది మూవీ యూనిట్. ఇందులో భాగంగా ముంబయిలో జరగనున్న ప్రీ రిలీజ్ ఈవెంట్లో 'జై శ్రీరామ్' సాంగ్ను మ్యూజిక్ డైరెక్టర్స్ అజయ్ అతుల్ లైవ్ ఆర్కెస్ట్రా పెర్ఫార్మన్స్ ఇవ్వనున్నారట. దాదాపుగా 30 మంది కోరస్ సింగెర్స్ తో ఈ సాంగ్ లైవ్లో అదిరిపోనుందని టాక్. అయితే ఈ ఈవెంట్ గురించి అఫీషియల్ అప్డేట్ ఇంకా రావాల్సి ఉంది.
