పవర్ స్టార్ ప‌వ‌న్‌క‌ల్యాణ్, సాయి ధ‌ర‌మ్‌తేజ్ హీరోలుగా నటించబోతున్న సినిమా షూటింగ్ ప్రారంభంపై క్లారిటీ వచ్చేసింది. జులై 12న సినిమా ప్రారంభోత్సవం ఉండనుంది. స‌ముద్ర‌ఖ‌ని, తంబిరామ‌య్య ప్ర‌ధాన పాత్ర‌ల్లో త‌మిళంలో రూపొందిన 'వినోదయ సీత‌మ్' చిత్రం.. తెలుగులో పవన్ కల్యాణ్ - సాయిధరమ్ తేజ్ కాంబినేషన్లో రీమేక్ కాబోతోంది. మామ అల్లుళ్ల క‌ల‌యిక‌లో రూపొంద‌నున్న తొలి 'మెగా' సినిమా ఇదే కావ‌డం వల్ల అభిమానుల్లో ఆస‌క్తి మొద‌లైంది. ఇదిలా ఉంటే.. ఈ సినిమాకు స‌ముద్ర‌ఖ‌ని దర్శకత్వం వహించబోతున్నట్లు సమాచారం.
సూపర్ స్టార్ మహేశ్ బాబు ఫ్యామిలీతో కలిసి వెకేషన్‌‌కు అమెరికాకు వెళ్లారు. ఈ క్రమంలో అక్కడ మహేశ్, నమ్రత దంపతులు ప్రపంచ కుబేరుడు బిల్గేట్స్ను కలిశారు. ఈ ఫొటోలను మహేశ్ ట్విట్టర్లో పోస్ట్ చేయగా.. వైరల్ అయ్యింది. అయితే మహేశ్ చేసిన ట్వీట్కు బిల్గేట్స్ స్పందించారు. రీట్వీట్ చేశారు. అయితే బిల్గేట్స్ అంతటితో ఆగకుండా.. తన ట్విట్టర్ హ్యాండిల్‌లో మహేశ్ బాబును ఫాలో అవుతున్నారు. ఈ క్రమంలో మహేశ్బాబు కూడా బిల్గేట్స్ ట్విట్టర్ను ఫాలో అవుతున్న నేపథ్యంలో.. ఇది కూడా వైరల్గా మారింది.
నటి, వ్యాఖ్యాతగా సినీ ప్రియుల్ని ఆకట్టుకుంటున్న మంచు లక్ష్మి తన కొత్త ప్రాజెక్ట్‌ ప్రకటించారు. తన తండ్రి మోహన్‌బాబుతో కలిసి 'అగ్నినక్షత్రం' సినిమా చేస్తున్నట్లు తెలిపారు. ఈ మేరకు శుక్రవారం ఉదయం ఆ ప్రాజెక్ట్‌ టైటిల్‌ అనౌన్స్ చేస్తూ ఓ పోస్ట్ పెట్టారు. ఈ సినిమా మోషన్ పోస్టర్‌ను నిర్మాతలతో కలిసి మంచు లక్ష్మి విడుదల చేశారు.
ఇదీ చదవండి: 'బాధలో ఉన్నా.. అసత్య ప్రచారాలు చేయకండి'.. నటి మీనా భావోద్వేగం
