Tiger Nageswara Rao Trailer : మాస్ మహారాజ రవితేజ హీరోగా తెరకెక్కుతున్న చిత్రం 'టైగర్ నాగేశ్వరరావు'. ఈ సినిమాను డైరెక్టర్ వంశీ తెరకెక్కిస్తున్నారు. ఈ సినిమాలో రవితేజ సరసన నూపుర్‌ సనన్, గాయత్రి భరద్వాజ్ నటించారు. అయితే మంగళవారం ఈ సినిమా ట్రైలర్ను చిత్రబృందం రిలీజ్ చేసింది. మాస్ డైలాగ్స్తో పాటు రవితేజ లుక్స్తో ఈ ట్రైలర్ ఆద్యంతం కొత్తగా కనిపిస్తోంది. దీంతో ఫ్యాన్స్ కూడా ఈ వీడియోను నెట్టింట తెగ ట్రెండ్ చేస్తున్నారు.
స్టువర్టుపురంలో టైగర్ నాగేశ్వర రావు ఎలా ఉండేవారు. ఆయన ఏ విధంగా నడుచుకునేవారు అన్న విషయాల గురించి ట్రైలర్లో చూపించారు. రెండున్నర నిమిషాల నిడివి గల ఆ గ్లింప్స్లో నాగేశ్వర రావు జీవితంలోని కీలక ఘట్టాలను చూపించారు. ఇక రవితేజ ఓ వైపు యంగ్‌ అండ్ డైనమిక్‌ రోల్లో కనిపిస్తూనే.. మరోవైపు అత్యంత క్రూరమైన వ్యక్తిగానూ భయపెట్టారు. మొత్తానికి మాస్ మహారాజ రేంజ్ ఆ పాత్రకు న్యాయం చేశారని ఫ్యాన్స్ ఆనందం వ్యక్తం చేస్తున్నారు.
- " class="align-text-top noRightClick twitterSection" data="">
Tiger Nageswara Rao Cast : ఇక సినిమా విషయానికి వస్తే.. ది కశ్మిర్ ఫైల్స్ నిర్మాత అభిషేక్ అగర్వాల్ తన సొంత బ్యానర్పై తెరకెక్కిస్తున్న ఈ సినిమాలో నుపుర్ సనన్, గాయత్రి భరద్వాజ్, రేణు దేశాయ్, అనుకృతి వాస్ అనుపమ్ ఖేర్, నాజర్ కీలక పాత్రలు పోషిస్తున్నారు. దర్శకుడు వంశీ తెరకెక్కిస్తున్న ఈ సినిమాకు జీవీ ప్రకాశ్ స్వరాలు సమకూరుస్తున్నారు.
1970-80 ప్రాంతంలో స్టువర్టుపురం గజదొంగగా పేరొందిన టైగర్ నాగేశ్వరరావు జీవిత కథ ఆధారంగా ఈ చిత్రం రూపొందుతోంది. ఈ సినిమా కోసం ఐదు ఎకరాల స్థలంలో స్టువర్టుపురం సెట్ వేశారు మేకర్స్. ఇందులో రవితేజ పాత్ర చాలా కొత్తంగా ఉంటుందని ఇప్పటికే రిలీజైన పోస్టర్లను చూస్తుంటే అర్థమవుతోంది. ఆయన బాడీ లాంగ్వేజ్, డైలాగ్స్, కాస్ట్యూమ్స్ కూడా అన్నీ ఢిపరెంట్గా, సరికొత్తగా ఉన్నాయి. ఇక ఈ సినిమాలో టాలీవుడ్ సీనియర్ నటి రేణూ దేశాయ్ కూడా కీలక పాత్రలో కనిపించనున్నారు. తాజాగా ఆమె ఎంట్రీ గురించి ఓ పోస్టర్ను కూడా మూవీ మేకర్స్ రిలీజ్ చేశారు.
పులుల్ని వేటాడే పులి.. ఆసక్తిగా రవితేజ 'టైగర్ నాగేశ్వరరావు' ఫస్ట్‌ లుక్‌
Anukreethy Vas Tiger Nageswar Rao : ఈ 'టైగర్' బ్యూటీ.. కుర్రాళ్ల కొత్త క్రష్!
