The Lady Killer Movie Collections : బాలీవుడ్ హీరో అర్జున్ కపూర్ - హీరోయిన్ భూమి పెడ్నేకర్ నటించిన లేటెస్ట్ మూవీ 'ది లేడీ కిల్లర్'. రీసెంట్గా నవంబర్ 3న రిలీజైన ఈ చిత్రం దారుణమైన వసూళ్లను అందుకుంటోంది. హిందీ చిత్రం పరిశ్రమలోనే అత్యంత దారుణమైన డిజాస్టర్ ఓపెనింగ్స్ను వసూలు చేసింది.
ట్రేడ్ వర్గాల నుంచి అందుతున్న సమాచారం ప్రకారం.. ఈ లేడీ కిల్లర్ చిత్రాన్ని.. హీరోహీరోయిన్ రెమ్యునరేషన్, ఇతర ప్రమోషనల్ మెటేరియల్ ఖర్చుతో కలిపి రూ.45కోట్ల బడ్జెట్తో నిర్మించారని తెలిసింది. అయితే థియేట్రికల్ బిజినెస్ పెద్దగా జరగకపోయినా.. ఓటీటీ బిజినెస్ కొంత వరకు పర్వాలేదనిపించేలా జరిగిందట. ముందు నుంచి ఈ సినిమాకు పెద్దగా రెస్పాన్స్ లేకపోవడం వల్ల దేశవ్యాప్తంగా పరిమిత స్క్రీన్స్లోనే రిలీజ్ చేశారు. మొత్తంగా ముంబయి, దిల్లీ కలిపి 11 స్క్రీన్లలో మాత్రమే విడుదల చేశారు. కానీ ఆ కొద్ది స్క్రీన్లకు కూడా ప్రేక్షకులు థియేటర్లకు రాలేదట.
మొదటి రోజు కేవలం 500 టికెట్లు మాత్రమే అమ్ముడుపోయాయని తెలిసింది. దీంతో దారుణమైన ఓపెనింగ్స్ వచ్చాయని ట్రేడ్ వర్గాలు అంటున్నాయి. రూ.38000 వేలు మాత్రమే వసూలు చేసిందని పేర్కొన్నాయి. ఇక రెండో రోజు శనివారం ఎవరూ కనిపించలేదట. దీంతో హిందీ సినిమా పరిశ్రమలోనే అత్యంత డిజాస్టర్‌గా ఓపెనింగ్స్ అందుకున్న చిత్రాల్లో ఒకటిగా నిలిచింది లేడీ కిల్లర్. ఈ చిత్రాన్ని అజయ్ బెహల్ దర్శకత్వం వహించారు. శైలేష్ సింగ్, సాహిల్ మీర్ చందానీ నిర్మించారు.
ఈ లేడీ కిల్లర్ చిత్రంతో పాటు ఈ వారం హిందీ బాక్సాఫీస్ ముందు వచ్చిన ఆంఖ్ మిచోలి, యూటీ 69 సినిమాలు కూడా అంతగా ఆకట్టుకోలేదు. వసూళ్లను కూడా సాధించలేదు. గత వారం వచ్చిన చిత్రాల్లో 12th ఫెయిల్ టాక్ పరంగా మంచిగా ఆకట్టుకుని పర్వాలేదనిపించే వసూళ్లను ఖాతాలో వేసుకుంది. అప్పుడే వచ్చిన కంగనా రనౌత్ తేజస్, సంజిని శిండే కా వైరల్ వీడియో చిత్రాలు నిరాశ పరిచాయి. అలా గత రెండు వారాల నుంచి హిందీ బాక్సాఫీస్ డౌన్ అయిపోయింది.
- " class="align-text-top noRightClick twitterSection" data="">
బికినీలో అల్లు అర్జున్ హీరోయిన్ - కిరాక్ పుట్టించేలా!
'యానిమల్' డైరెక్టర్ నిర్ణయంతో తలలు పట్టుకుంటున్న థియేటర్స్ యజమానులు!
