Thangalam Teaser : ఎలాంటి పాత్రనైనా అవలీలగా పోషిస్తూ ప్రేక్షకులను ఆకట్టుకుంటారు చియాన్ విక్రమ్. ఇప్పుడు ఆయన నుంచి రాబోతున్న మోస్ట్ అవైటెడ్ ఫిల్మ్ 'తంగలాన్'. పా.రంజిత్ ఈ సినిమాను రా అండ్ రస్టిక్గా తెరకెక్కించారు. తాజాగా ఈ మూవీ టీజర్ రిలీజై ఓ వైపు ఆసక్తి పెంచుతూనే మరోవైపు వైల్డ్గా కనిపిస్తోంది. పీరియాడిక్ యాక్షన్ డ్రామాగా కర్ణాటకలోని కోలార్ గోల్డ్ ఫీల్డ్స్‌లోని గనుల్లో పనిచేసే కార్మికుల జీవితం ఆధారంగా చిత్రాన్ని రూపొందించారు.
ఈ ప్రచార చిత్రంలో బంగారు గనుల దగ్గర ఉండే గ్రామాల్లోని మనుషులు, ఆంగ్లేయులకు మధ్య యుద్ధ సన్నివేశాలను అతీ భయంకరంగా చిత్రీకరించారు. ముఖ్యంగా విక్రమ్ను మరింత భయంకరంగా వైల్డ్గా చూపించారు. కత్తి పట్టుకొని ఎదురొచ్చే వాళ్లని నరికేస్తూ ఉంటారు విక్రమ్. ఓ సందర్భంలో చేత్తోనే పామును రెండు ముక్కలుగా చేసి పడేస్తున్నట్టు కూడా చూపించారు. ఫైనల్గా బంగారం, రక్తం, కన్నీటి చుట్టూ సాగే కథగా టీజర్ను కట్ చేశారు.
కార్మికుల కోసం పోరాడే యోధుడి పాత్రలో విక్రమ్ తన నటన, గెటప్తో అదరగొట్టేశారు. విక్రమ్ లుక్స్, విజువల్స్, బ్యాక్ గ్రౌండ్ స్కోర్ అన్నీ ప్రచార చిత్రాన్ని బాగా హైలైట్ చేశాయి. ప్రచార చిత్రం చివర్లో.. రక్తపాతం జరిగే యుద్ధాలతో స్వేచ్ఛ లభిస్తుంది. సన్ ఆఫ్ గోల్డ్ ఉదయిస్తున్నాడు అంటూ క్యాప్షన్ రాసుకొచ్చారు. ఒక్క డైలాగ్ కూడా లేని ఈ టీజర్ సినిమాపై ఒక్కసారిగా భారీ అంచనాలను పెంచేసింది. దీంతో మూవీ కోసం సినీ ప్రియులు మరింత ఆసక్తిగా ఎదురుచూస్తున్నారు.
Thangalam Release Date : ఇకపోతే ఈ సినిమాలో మాళవిక మోహన్‌, పార్వతి తిరువోతు, పశుపతి, డానియల్‌ కాల్టాగిరోన్‌ తదితరులు ఇతర పాత్రల్లో నటించారు. స్టూడియో గ్రీన్‌, నీలం ప్రొడక్షన్‌ సంస్థల బ్యానర్పై సినిమాను నిర్మిస్తున్నారు. ఈ చిత్రానికి జీవీ ప్రకాశ్‌ మ్యూజిక్ అందిస్తున్నారు. ఈ చిత్రాన్ని వచ్చే ఏడాది రిలీజ్ చేయడానికి మూవీటీమ్ సన్నాహాలు చేస్తోంది. భారీ బడ్జెట్‌తో తెరకెక్కుతున్న ఈ చిత్రాన్ని భారతీయ భాషలతో పాటు విదేశీ భాషల్లోనూ విడుదల చేస్తున్నారు.
- " class="align-text-top noRightClick twitterSection" data="">
'దేవర'లో జాన్వీ కపూర్ రామలక్ష్మీ శ్రీవల్లీలా ఫేమస్ అవుతుందా?
Adikeshava Mangalavaram Movie : శ్రీలీల కన్నా.. పాయల్ సినిమాకే ఎక్కువ బిజినెస్!
