హీరో, హీరోయిన్స్.. లుక్, స్టైల్తో పాటు ఫిట్ నెస్పై దృష్టి పెడతారన్న సంగతి తెలిసిందే. సినిమా సినిమాకు వేరియేషన్ చూపిస్తూ పాత్రకు తగ్గట్టూ తమ లుక్స్ను మారుస్తుంటారు. కథ డిమాండ్ చేయాలే గానీ అవసరమైతే స్లిమ్గా, లేదంటే బరువు పెరిగి చబ్బీగా మారుతుంటారు. మరీ అవసరం అనుకుంటే కొన్ని సందర్భాల్లో ప్రయోగాత్మక చిత్రాల కోసం విపరీతంగా బరువు కూడా పెరిగిపోతుంటారు.
అలా ఇప్పటికే 'సైజ్ జీరో' మూవీ కోసం హీరోయిన్ అనుష్క, లడ్డుబాబు సినిమా కోసం అల్లరి నరేశ్ మేకోవర్.. ఊబకాయం ఉన్న వ్యక్తుల్లా కనిపించిన సంగతి తెలిసిందే. ఇంకా పలువురు నటులు కూడా ఇలాంటి ప్రయోగాలు చేశారు. ఇటువంటి ఎక్స్పెరిమెంట్ చిత్రాలు హిట్ ఫ్లాప్ అన్న విషయాలను పక్కనపెడితే.. అలాంటి మూవీస్ కోసం వారు చాలా కష్టపడతారు. అయితే తాజాగా మరో హీరో సుధీర్ బాబు కూడా ఇలాంటి ప్రయోగమే చేస్తున్నారు.
రీసెంట్గా హంట్ సినిమాతో డిజాస్టర్ను అందుకున్న సుధీర్ బాబు.. ప్రస్తుతం 'మామ మశ్చీంద్ర' అనే సినిమాలో నటిస్తున్నారు. ఫిట్నెస్కు ప్రాధాన్యమిస్తూ.. ఎప్పుడూ సిక్స్ ప్యాక్లో కనిపించే ఈయన.. ఈ కొత్త సినిమా కోసం లడ్డుబాబులో నరేశ్లా తయారయ్యారు. ఊబకాయం ఉన్న వ్యక్తిలా కనిపించనున్నారు. డైరెక్టర్ ఆఫ్ ఫోటోగ్రఫీ చెక్లో భాగంగా క్లిప్ను చెక్ చేస్తున్న వీడియో ఒకటి బయటకు వచ్చింది. ఇందులో సుధీర్ బాబు మొఖం బాగా ఉబ్బినట్టు.. ఊబకాయం వచ్చిన వ్యక్తిలా కనిపిస్తున్నారు. మరి ఈ సినిమాలో పూర్తిస్థాయి ఊబకాయం ఉన్న వ్యక్తిగా కనిపిస్తారా? లేదా కాసేపటికేనా అనేది క్లారిటీ లేదు. కానీ గతంలో విడుదలైన ఈ సినిమా పోస్టర్లో ఆయన స్లిమ్గానే కనిపించారు. ఆయన ఈ చిత్రంలో రాక్ స్టార్ పాత్ర పోషిస్తున్నట్లు గతంలో మూవీ టీమ్ తెలిపింది.
ఇంకా ఈ సినిమా విషయానికొస్తే.. దీనికి హర్షవర్ధన్‌ దర్శకత్వం వహిస్తున్నారు. నారాయణదాస్‌ కె.నారంగ్‌, పుస్కూర్‌ రామ్మోహన్‌రావు నిర్మాతలుగా వ్యవహరిస్తున్నారు. చేతన్‌ భరద్వాజ్‌ సంగీతం సమకూరుస్తున్నారు. పి.జి. విందా ఛాయాగ్రహణం అందిస్తున్నారు. ఈ చిత్రం తెలుగు, హిందీ భాషల్లో రూపొందుతోంది.
- " class="align-text-top noRightClick twitterSection" data="">
ఇదీ చూడండి: 'నాటు నాటు'కు ఆలియా ఇరగదీసిందిగా.. వీడియో చూశారా?
