Sitara Dance Latest : టాలీవుడ్ స్టార్ కిడ్స్‌లో ప్రముఖంగా వినిపించే పేరు సితార. పలు యూట్యూబ్ ఇంటర్వ్యూలు, వీడియోలతో పాపులరైన సీతూ పాప.. ఇన్‌స్టాగ్రామ్‌లో ఇప్పటికే మిలియన్‌కు పైగా ఫాలోవర్లను సంపాదించింది. ఇక తరచూ తండ్రి మహేశ్ బాబు నటించిన లేదా ఇతర సినిమాల్లోని పాటలకు తను డాన్స్ చేసిన వీడియోలను ఇన్‌స్టాలో అప్‌లోడ్ చేస్తుంటోంది. తాజాగా లవ్‌స్టోరీ చిత్రంలోని సారంగదరియా సాంగ్‌కు అద్భుతంగా డాన్స్ చేసింది సితార. ఈ వీడియోను తన ఇన్‌స్టా అకౌంట్‌లో పోస్ట్ చేయగా వైరల్ అవుతోంది. అంతేకాదు ఈ పాటలో తన పెర్ఫార్మెన్స్‌కు నెటిజన్లు సైతం ఫిదా అవుతున్నారు.
Sitara Saranga Dariya Song : నిజానికి సితార ఎంచుకున్నది ఫోక్ సాంగ్. సినిమాలో ఈ పాటకు సాయి పల్లవి చేసినట్లుగా డాన్స్ చేయడం చాలా కష్టం. అయినప్పటికీ ప్రయత్నించిన సితార.. ప్రొఫెషనల్‌గా కాకుండా క్యూట్‌గా పెర్ఫామ్ చేయగలిగింది. అలాగే ఈ పాట కోసం తను ధరించిన లంగావోణి కాస్టూమ్స్ కూడా పర్ఫెక్ట్‌గా కుదిరాయి. ఇక తను చిన్నప్పటి నుంచి డాన్స్ నేర్చుకుంటుండగా.. ఈ సారంగదరియా సాంగ్‌ను సితారకు అనీ మాస్టర్‌ నేర్పించినట్లు తెలిపింది. అంతేకాదు సితార డాన్స్ వీడియోకు కేవలం గంట సమయంలోనే దాదాపు లక్ష మంది లైక్ కొట్టడం విశేషం.
సితార ఫ్యూచర్‌లో హీరోయిన్ అయ్యే అవకాశాలు పుష్కలంగా ఉన్నాయి. చూస్తుంటే ఇప్పటి నుంచే ఆ దిశగా ట్రైనింగ్ తీసుకుంటున్నట్లు అనిపిస్తోంది. పైగా తండ్రి మహేశ్ బాబు నటించిన సర్కారువారి పాట చిత్రంలోని పెన్నీ సాంగ్ ప్రోమోలో సితార కనిపించింది. ఓ డాన్స్ ప్రోగ్రామ్‌కు తండ్రితో హాజరైన సితార పాప.. తన స్పాంటెనిటీతో ఆకట్టుకుంది.
Guntur Kaaram Cast : ఇక మహేశ్ సినిమాల విషయానికొస్తే.. ప్రస్తుతం త్రివిక్రమ్ దర్శకత్వంలో గుంటూరు కారం సినిమా చేస్తున్నారు. హారిక అండ్ హాసినీ క్రియేషన్స్ పతాకంపై చినబాబు నిర్మిస్తున్న చిత్రంలో పూజా హెగ్డే, శ్రీలీల ఫిమేల్ లీడ్స్‌గా నటిస్తున్నారు. తమన్ మ్యూజిక్ అందిస్తున్న చిత్రంలో జగపతి బాబు, సునీల్, రమ్యకృష్ణ, ప్రకాశ్ రాజు, రఘుబాబు, మహేశ్ ఆచంట, జయరాం తదితరులు కీలక పాత్ర పోషిస్తున్నారు.
జ్యూయెలరీ సంస్థకు బ్రాండ్ అంబాసిడర్గా సితార..
Sitara Brand Ambassador : సితార.. తన కెరీర్లో ఇటీవలే మరో అడుగు ముందుకు వేసింది. ఓ ప్రముఖ ప్రీమియం జ్యువెలరీ బ్రాండ్‌కు అంబాసిడర్గా సైన్ చేసింది. దీంతో అతి పెద్ద యాడ్ కాంట్రాక్ట్పై సైన్ చేసిన మొదటి భారతీయ స్టార్ట్ కిడ్‌గా నిలిచింది. ఈ ఒప్పందంలో భాగంగా.. సదురు సంస్థ నుంచి సితార భారీగా రెమ్యునరేషన్‌ తీసుకుంటున్నట్లు టాక్. అయితే ఎంత అన్న విషయంపై ఎటువంటి సమాచారం రాలేదు. దాదాపు మూడు రోజుల పాటు ఒక రహస్య ప్రదేశంలోనే యాడ్ ఫిల్మ్ కూడా చిత్రీకరించినట్లు టాక్.
