హిట్ ఫ్లాప్లతో సంబంధం లేకుండా సినిమాలు చేస్తూ ముందుకెళ్తున్న హీరో సందీప్ కిషన్. 'వెంకటాద్రి ఎక్స్‌ప్రెస్‌', 'బీరువా', 'ఏ1 ఎక్స్‌ప్రెస్‌' వంటి పలు సినిమాలు కమర్షియల్‌గా మంచి విజయాలే సాధించినా.. సందీప్‌కు మాత్రం స్టార్ స్టేటస్ను తీసుకురాలేకపోయాయి. అందుకే సరైన హిట్ కోసం చాలా కాలంగా ఎదురుచూస్తున్నాడు. ఈ క్రమంలో అతడు బాగా గ్యాప్ తీసుకుని చేస్తున్న తొలి పాన్ ఇండియా సినిమా మైఖేల్. రంజిత్‌ జయంకోడి దర్శకత్వం వహిస్తున్న ఈ చిత్రంలో విజయ్ సేతుపతి కీలకపాత్ర పోషిస్తున్నారు. ఇప్పటికే రిలీజైన పోస్టర్‌లు, టీజర్‌కు ప్రేక్షకుల నుంచి మంచి రెస్పాన్స్ కూడా వచ్చింది. తాజాగా ఈ చిత్ర ట్రైలర్ను బాలయ్య రిలీజ్ చేశారు. ఇది ఆడియెన్స్ను ఆకట్టుకునేలా ఉంది. అమ్మాయిలు జోలికి వెళ్లకూడదంటూనే చివరికి ఈ కథ మొత్తం ఓ అమ్మాయి కోసమే జరుగుతున్నట్లు చూపించారు దర్శకుడు. మొత్తంగా ఈ ట్రైలర్ యాక్షన్ సన్నివేశాలతో ఆకట్టుకుంటోంది.
ఇంకా ఈ ప్రచార చిత్రంలో విజయ్ సేతుపతి, గౌతమ్ మేనన్ క్యారెక్టర్‌ పవర్‌ ఫుల్‌గా ఉన్నట్లు అర్థమవుతోంది. ఇక వరుణ్‌ సందేశ్ కొత్తగా కనిపిస్తున్నారు. వరలక్ష్మీ క్యారెక్టర్‌ కూడా స్ట్రాంగ్‌గా ఉన్నట్లు తెలుస్తుంది. లవ్ కమ్‌ యాక్షన్ డ్రామాగా తెరకెక్కిన ఈ సినిమా ఫిబ్రవరి ౩న పాన్ ఇండియా లెవ్ల్లో రిలీజ్ కాబోతుంది. దివ్యాంషా కౌశిక్ హీరోయిన్.
- " class="align-text-top noRightClick twitterSection" data="">
ఇదీ చూడండి: ఉపాసన ఇంట్లో విషాదం... ధైర్యం చెబుతున్న మెగా ఫ్యాన్స్!
