Salaar Vs Dunki : స్టార్​ హీరోలకు బిగ్​ షాక్.. ఓవర్సీస్​ బరిలోకి 'ఆక్వామన్​​'​ మూవీ

Salaar Vs Dunki : ప్రశాంత్ నీల్- ప్రభాస్​ కాంబో వస్తున్న సలార్ డిసెంబర్​ 22న విడుదల కానుంది. అయితే ఈ సినిమాకు ముందు నుంచి 'డంకీ' పోటీగా ఉంది. ఇప్పుడు ఈ రెండు సినిమాలకు ఏకంగా ఓ సినిమా చెక్​ పెట్టేలా కనిపిస్తుంది.

Salaar vs Aquaman2 : రెబల్​ స్టార్ ప్రభాస్ - డైరెక్టర్ ప్రశాంత్ నీల్ కాంబినేషన్​లో తెరకెక్కుతున్న 'సలార్' డిసెంబర్​ 22న ప్రేక్షకుల ముందుకు రానుంది. అయితే ఈ సినిమాకు పోటీగా షారుఖ్​ ఖాన్ 'డంకీ' కూడా అదే రోజు పోటీగా రంగంలోకి దిగనుంది. అయితే ఈ రెండూ పెద్ద ప్రాజెక్ట్​లే అయినందున ఓపెనింగ్స్ కూడా భారీగానే వస్తాయని ట్రేడ్ వర్గాల అంచనా. దానికి తోడు దర్శకులు ప్రశాంత్ నీల్, రాజ్ కుమార్ హిరానీలు తమ సినిమాలకు కావాల్సినంత బ్రాండ్ ఇమేజ్ క్రియేట్ చేశారు. ఈ క్రమంలో ఇంత హైప్ ఉన్న సినిమాలకు ఓవర్సీస్​లోనూ మంచి డిమాండే ఉంది. ఇలా ఇద్దరు స్టార్​ హీరోల సినిమాలు రిలీజ్​కు రెడీగా ఉండగా.. వాటికి చెక్​ పెట్టేందుకు బాక్సాఫీస్​ ముందుకు మరో సినిమా రానుంది. అయితే హాలీవుడ్​ మూవీ 'ఆక్వామన్​-2'.

భారీ బడ్జెట్​తో తెరకెక్కిన ఈ చిత్రంకు హాలీవుడ్​లో మంచి క్రేజ్ ఉంది. అయితే డిసెంబర్​​ 20న విడుదల కావాల్సిన ఈ సినిమా.. తాజాగా రిలీజ్ డేట్​ను మార్చుకుని డిసెంబర్​ 22న రానుంది. దీంతో మన సినిమాలకు పెద్ద సమస్య ఎదురైంది. అదే రోజు 'సలార్', 'డంకీ' రానున్నందున ఈ సినిమాల యూఎస్ డిస్ట్రిబ్యూటర్లకు తలనొప్పిగా మారింది.

'ఆక్వామన్​- 2'కి భారత్​లో మినహాయిస్తే విదేశాల్లో చాలా క్రేజ్ ఉంది. ఓవర్సీస్​ డిస్ట్రిబ్యూటర్లు ఈ హాలీవుడ్ మూవీకే తొలి ప్రాధాన్యం ఇస్తారు. 'డంకీ' యూఎస్​లో ఒక రోజు ముందే రావటం వల్ల కొంచెం సేఫ్​ అని చెప్పోచ్చు. కానీ 'సలార్'​కి మాత్రం పెద్ద సమస్యే. ఈ సినిమాలు రిలీజ్​ అయ్యే వరకు కూడా పరిస్థితి ఎలా ఉంటుందో ఊహించడం కష్టమే.

• " class="align-text-top noRightClick twitterSection" data="">
  

'కేజీఎఫ్'​ లాంటి బ్లాక్ బస్టర్ తరవాత ప్రశాంత్ నీల్ దర్శకత్వంలో వస్తున్న 'సలార్' పై భారీ అంచనాలే ఉన్నాయి. డిసెంబర్​ 22 రానున్న ఈ సినిమా.. తెలుగు రాష్ట్రాల్లో థియేట్రికల్ హక్కులు భారీ మొత్తానికి అమ్ముడైనట్లు తెలుస్తోంది. రెండు స్టేట్స్ కలిపి ఏకంగా రూ.170 కోట్ల నుంచి రూ.175 కోట్ల వరకూ పలికినట్లు టాక్. ఏది ఏమైనప్పటికీ డిస్ట్రిబ్యూటర్లు తామ పెట్టిన పెట్టుబడులు తిరిగి రావాలంటే.. తెలుగు రాష్ట్రాల్లో దాదాపుగా రూ. 325 కోట్ల గ్రాస్​ కలెక్షన్లు వసూలు చేయాలి. భారీ బడ్జెట్​తో వస్తున్న ఈ సినిమా 'బాహుబలి' లాంటి హిట్ వస్తేనే కానీ పెట్టిన పెట్టుబడులు తిరిగి పొందలేరని టాక్ నడుస్తోంది.