RRR Day 9 worldwide collections: రాజమౌళి దర్శకత్వంలో రామ్‌చరణ్, ఎన్టీఆర్ ప్రధాన పాత్రల్లో వచ్చిన 'ఆర్ఆర్ఆర్' కలెక్షన్ల సునామీ కొనసాగుతోంది. మార్చి 25న రిలీజైన ఈ సినిమా తొమ్మిది రోజులు పూర్తయ్యే సరికి ప్రపంచవ్యాప్తంగా రూ.800 కోట్ల గ్రాస్ వసూళ్లు సాధించినట్లు తెలిసింది. హిందీలో ఇప్పటికే రూ.160కు పైగా కోట్లు (గ్రాస్) వసూలుచేయగా.. తెలుగు రాష్ట్రాల్లో ఇప్పటికే డబుల్ సెంచరీ కొట్టింది.
తెలుగు రాష్ట్రాల్లో ఇలా.. తెలుగు రాష్ట్రాల్లో రూ.215కోట్ల గ్రాస్ను సాధించినట్లు తెలిసింది. నైజాంలో అయితే ఆల్ టైం రికార్డును సృష్టించినట్లు ట్రేడ్ వర్గాలు చెబుతున్నాయి. రూ.90కోట్లకు పైగా షేర్ను అందుకుని అగ్రస్థానంలో నిలిచినట్లు పేర్కొంటున్నాయి. ఇదే కనుక నిజమైతే నైజాంలో అంత మొత్తంలో వసూళ్లను అందుకున్న ఏకైక చిత్రం 'ఆర్ఆర్ఆర్' అవుతుంది.
'బాహుబలి 2' కన్నా మూడింతలు ఎక్కువ.. తెలుగు రాష్ట్రాల్లో 'బాహుబలి 2' తొమ్మిదో రోజు రూ.6.51 కోట్లు కలెక్షన్లు అందుకోగా.. 'ఆర్ఆర్ఆర్' ఏకంగా 19.62 కోట్లను కలెక్ట్ చేసింది. ఆ తర్వాత 'సరిలేరు నీకెవ్వరూ'-6.33కోట్లు, 'అల వైకుంఠపురములో'-5.05కోట్లు, 'ఎఫ్ 2'-రూ.4.76కోట్లు, 'పుష్ప'- 3.43కోట్లు సాధించాయి.
రెండు సినిమాలు మాత్రమే.. భారత చిత్రసీమ బాక్సాఫీస్ ముందు తొమ్మిదో రోజు పూర్తయ్యేసరికి రూ.500కోట్లకు పైగా నెట్ వసూలు చేసిన సినిమాలు రెండే ఉన్నాయి. అందులో ఒకటి 'బాహుబలి 2' కాగా, రెండోది 'ఆర్ఆర్ఆర్'. రూ.400కోట్లకు పైగా నెట్ సాధించిన సినిమాల్లో రోబో 2.0 కూడా ఉంది.
ఇదీ చూడండి: సీఎం ముందు అజిత్ సాహసం.. ఈల వేసిన రజనీకాంత్!
