RC 16 story leak : 'ఆర్ఆర్ఆర్' వరల్డ్ వైడ్గా బిగ్గెస్ట్ హిట్ అందుకున్న మెగాపవర్ స్టార్ రామ్చరణ్.. ప్రస్తుతం తమిళ దిగ్గజ దర్శకుడు శంకర్తో కలిసి ఆర్సీ 15 గేమ్ ఛేంజర్ సినిమా చేస్తున్నారు. ఈ చిత్రం పొలిటికల్ నేపథ్యంలో భారీ బడ్జెట్తో రూపొందుతోంది. దీని తర్వాత ఉప్పెన ఫేమ్ బుచ్చిబాబు దర్శకత్వంలో ఆర్సీ 16 సినిమా చేయనున్నారు. ప్రస్తుతం ప్రీ ప్రొడక్షన్ వర్క్స్ జరుగుతున్నాయి. అయితే ఈ సినిమా స్పోర్ట్స్ నేపథ్యంలో ఉంటుందని గతంలోనే ప్రచారం సాగింది. ఇప్పుడు తాజాగా ఈ సినిమా నటీనటుల వివరాలు, అలాగే సినిమా కథ ఇదేనంటూ కొత్త ప్రచారం తెరపైకి వచ్చింది.
RC 16 cast and crew : ముందుగా ప్రచారం సాగినట్టే ఈ సినిమా స్పోర్ట్స్ డ్రామాగా రూపొందనుందని తెలిసింది. అయితే ఈ చిత్రంలో రామ్చరణ్ హ్యాండీక్యాప్డ్గా కనిపించనున్నారట. ఆయనకు ఓ కాలు ఉందట. అంతర్జాతీయ వేదికపై ట్రోఫీని ముద్దాడాలనే లక్ష్యంతో క్రీడా పోటీల్లో పాల్గొనే ఆయనకు.. ఆ ప్రయాణంలో అనుకోని ప్రమాదం వల్ల ఓ కాలు పోతుందట. ఆ తర్వాత ఓ చిన్న గ్రామంలో కొత్త జట్టును బలంగా తయారు చేసి.. అంతర్జాతీయ వేదికపై కప్ కొట్టాలన్న తన కలను.. ఆ జట్టు ద్వారా తీర్చుకుంటారట. ఇదే సినిమా కథ అని ప్రచారం సాగుతోంది. ఇకపోతే ఈ సినిమాలోనూ ప్రతినాయకుడిగా తమిళ స్టార్ యాక్టర్ విజయ్ సేతుపతిని ప్రతినాయకుడిగా తీసుకున్నారట. బాలీవుడ్ భామ జాన్వీ కపూర్ హీరోయిన్గా నటించనుందట. ఆస్కార్ అవార్డు గ్రహీత ఏఆర్ రెహ్మాన్ సంగీతం అందించనున్నట్లు తెలిసింది.
ఇకపోతే రామ్ చరణ్ ప్రస్తుతం గేమ్ ఛేందర్ సినిమాలో నటిస్తున్న సంగతి తెలిసిందే. ఈ సినిమా షూటింగ్ శరవేగంగా సాగుతోంది. అయితే రీసెంట్గా ఆయనకు ఓ పండంటి ఆటబిడ్డ జన్మించింది. ఆ పాపకు పేరు క్లీంకార అని నామకరణం చేశారు. దీంతో మెగా ఫ్యామిలీలో ఆనందం రెట్టింపు అయింది. అందుకే ప్రస్తుతానికి కొద్ది రోజులు రామ్చరణ్ షూటింగ్కు గ్యాప్ తీసుకున్నట్లు తెలుస్తోంది. ఆ తర్వాత గేమ్ ఛేంజర్ షూటింగ్లో పాల్గొంటారట. ఈ సినిమా షూట్ అయిపోయాక.. ఆర్ సీ 16 షూటింగ్ ప్రారంభంకానుంది.
ఇదీ చూడండి :
రామ్చరణ్-ఉపాసన కుమార్తెకు నామకరణం.. పేరుకు అర్థం ఇదేనట!
Pawankalyan instagram : పవన్కు 6 గంటలు.. మరి చరణ్-ఎన్టీఆర్-బన్నీకి ఎంత సేపు పట్టిందంటే?
