ఫుల్ ట్రెండింగ్లో విజయ్ 'రంజితమే' సాంగ్.. యూట్యూబ్‌ షేక్

స్టార్ హీరో విజయ్ దళపతి గురించి ప్రత్యేకంగా చెప్పనక్కర్లేదు. ఆయనకు ఉన్న క్రేజ్ అంతా ఇంతా కాదు. విజయ్ ఒక స్టెప్పెస్తే చాలు అభిమానులకు పూనకాలే. అయితే విజయ్ కొత్త సినిమా 'వారిసు' సాంగ్ ఇప్పుడు నెట్టింట్లో వైరల్ అవుతోంది. విజయ్‌ మేనియా ఇప్పుడు యూట్యూబ్‌ని షేక్‌ చేస్తోంది.

రంజితమే సాంగ్

Published : Nov 16, 2022, 12:10 PM IST

కోలీవుడ్‌ స్టార్‌ విజయ్‌ మేనియా ఇప్పుడు యూట్యూబ్‌ని షేక్‌ చేస్తోంది. ఆయన హీరోగా నటించిన 'వారిసు' లోని ఫస్ట్‌ సింగిల్‌ నెట్టింట విపరీతమైన క్రేజ్‌ను సొంతం చేసుకుంది. 'రంజితమే' అంటూ సాగే ఈ మాస్‌ సాంగ్‌ను విడుదల చేసి పది రోజులవుతోన్నా క్రేజ్‌ ఏ మాత్రం తగ్గలేదు సరికదా.. మరింత పెరుగుతోంది.

ఈ విషయాన్నే తెలియజేస్తూ చిత్ర నిర్మాణ సంస్థ శ్రీ వేంకటేశ్వర క్రియేషన్స్‌ ఓ సరికొత్త పోస్టర్‌ షేర్‌ చేసింది. ఇప్పటివరకూ ఈ పాట 5 కోట్ల వ్యూస్‌, 18 లక్షల లైక్స్‌ సొంతం చేసుకుందని పేర్కొంది. ప్రస్తుతం ఈ పాట యూట్యూబ్‌ ట్రెండింగ్‌లో మూడో స్థానంలో కొనసాగుతోంది. ఫ్యామిలీ, మాస్‌ ఎంటర్‌టైనర్‌గా తెరకెక్కుతోన్న చిత్రం 'వారిసు'. వంశీ పైడిపల్లి దర్శకుడు.

ఇదే చిత్రాన్ని తెలుగులో 'వారసుడు' పేరిట విడుదల చేయనున్నారు. ప్రస్తుతం చిత్రీకరణ దశలో ఉన్న ఈ చిత్రాన్ని సంక్రాంతి కానుకగా విడుదల చేయాలని చిత్రబృందం సన్నాహాలు చేస్తోంది. దిల్‌రాజు నిర్మాత. రష్మిక కథానాయిక. జయసుధ, ఖుష్భూ కీలకపాత్రల్లో కనిపించనున్నారు. తమన్‌ స్వరాలు అందిస్తున్నారు.