ఎప్పుడూ షూటింగ్లో బిజీగా గడిపే సినిమా తారలు.. అప్పుడప్పుడు విహార యాత్రలు చేస్తుంటారు. కాస్త ఫ్రీ టైం దొరికితే విదేశాలకు చెక్కేస్తుంటారు. తాజాగా ఈ జాబితాలో ఆర్ఆర్ఆర్ హీరో రామ్ చరణ్ సైతం చేరిపోయారు. ప్రస్తుతం షూటింగ్ల నుంచి కాస్త విరామం తీసుకుని సతీసమేతంగా విహార యాత్రకు వెళ్లారు.
సతీమణి ఉపాసనతో కలిసి టాంజానియాలో ఎంజాయ్ చేస్తూ కనిపించారు. దీనికి సంబంధించిన ఓ వీడియోను రామ్ చరణ్ ఇన్స్టా వేదికగా ప్రేక్షకులతో పంచుకున్నారు. అందులో టాంజానియాలోని ఓ జూలో సఫారీ జీప్ నడుపుతూ కనిపించారు రామ్ చరణ్. సరదాగా వంట కూడా చేశారు. అనంతరం తన కెమెరాతో అక్కడి వన్యప్రాణుల ఫోటోలను బంధించారు. 'పేరులేని ఆఫ్రికా' అంటూ పోస్ట్‌కు క్యాప్షన్ కూడా ఇచ్చారు ఈ మెగా హీరో. బ్లాక్ టీ-షర్టు, బ్లూ జాకెట్ వేసుకున్న చెర్రీ కొత్త లుక్‌లో కనిపించడంతో ఫ్యాన్స్ ఖుషీ అవుతున్నారు. ఇప్పుడీ వీడియో సోషల్ మీడియాలో వైరల్ అవుతోంది.
- " class="align-text-top noRightClick twitterSection" data="
">
రామ్ చరణ్ ఆఫ్రికా నుంచి తిరిగి వచ్చిన తర్వాత శంకర్ దర్శకత్వంలో తెరకెక్కుతున్న మూవీ ఆర్సీ15 షూటింగ్లో పాల్గొననున్నారు. పొలిటికల్ డ్రామాగా తెరకెక్కుతున్న ఈ చిత్రంలో హీరో రామ్ చరణ్ సరసన కియారా అడ్వాణీ నటిస్తోంది. ఈ చిత్రాన్ని దిల్ రాజు నిర్మిస్తున్నారు. తమన్ సంగీతం అందిస్తున్నారు.
ఇదీ చదవండి:మాల్దీవుల్లో ఫుల్ ఎంజాయ్ చేస్తున్న రకుల్
