Double Ismart Ram Puri Jagannath : ఊహించినట్టే పూరి జగన్నాథ్-హీరో రామ్ కాంబినేషన్లో 'ఇస్మార్ట్ శంకర్' సీక్వెల్ అఫీషియల్ అనౌన్స్మెంట్ వచ్చింది. నిజానికి 'లైగర్' లాంటి భారీ డిజాస్టర్తో.. పూరి జగన్నాథ్తో సినిమా చేసేందుకు హీరోలు, నిర్మాతలు వెనకడుగు వేశారని జోరుగా ప్రచారం సాగింది. విజయ్ దేవరకొండ 'జనగనమణ' కూడా దాదాపు ఆ కారణంగానే ఆగిపోయింది. దీంతో సాధారణంగా వరుస సినిమాలు చేస్తూ త్వరత్వరగా పూర్తి చేసే పూరి.. లైగర్ తర్వాత దాదాపు ఎనిమిది నెలలు సైలెంట్గా ఉండిపోయారు.
మరోవైపు ఇదే సమయంలో రామ్-పూరి కలయిక ప్రచారం తెరపైకి వచ్చినా.. అది సాధ్యమవుతుందో లేదో అనే అనుమానం అభిమానుల్లో భారీగానే నెలకొంది. కానీ రామ్.. ధైర్యంగా ఓ అడుగు ముందుకేసి.. తాను ఫ్లాపుల్లో ఉన్నప్పుడు లైఫ్ ఇచ్చిన పూరికి కృతజ్ఞతతో తిరిగి ఛాన్స్ ఇచ్చారు. సీక్వెల్కు ఓకే చెప్పేశారు. రీసెంట్గా రెండు రోజుల కిందట సినిమాను ప్రకటించడమే కాకుండా.. ఒకరోజు మందు సినిమా రిలీజ్ డేట్ను కూడా చెప్పేశారు. పాన్ ఇండియా లెవల్లో విడుదల చేస్తామని పేర్కొన్నారు.
అసలీ సీక్వెల్ స్క్రిప్ట్.. ఫస్ట్ పార్ట్ రూపొందుతున్నప్పుడే మొదలయ్యిందట! ఇప్పుడు 'లైగర్' తర్వాత తీసుకున్న బ్రేక్లో సీక్వెల్ స్క్రిప్ట్ను బాగా డెవలప్ చేసి ఫైనల్ వెర్షన్ను పూరి పూర్తి చేశారట. తన టీమ్తో కలిసి ఒకటికి పదిసార్లు ఆలోచించి స్క్రిప్ట్ను పూర్తి చేశారని వినికిడి. అయితే అంతా బాగానే ఉంది కానీ .. రిలీజ్ డేట్ను 2024 మార్చి 8 ప్రకటించారు.
-
The ENERGETIC combo of
— Puri Connects (@PuriConnects) May 14, 2023 " class="align-text-top noRightClick twitterSection" data="
Ustaad @ramsayz & Dashing Director #PuriJagannadh is back with ISMART BANG for #DoubleISMART🔥
A high octane action entertainer in cinemas from MARCH 8th 2024💥
In Telugu, Hindi, Tamil, Malayalam, Kannada#HappyBirthdayRAPO@Charmmeofficial pic.twitter.com/zVq6AX6rH3
">The ENERGETIC combo of
— Puri Connects (@PuriConnects) May 14, 2023
Ustaad @ramsayz & Dashing Director #PuriJagannadh is back with ISMART BANG for #DoubleISMART🔥
A high octane action entertainer in cinemas from MARCH 8th 2024💥
In Telugu, Hindi, Tamil, Malayalam, Kannada#HappyBirthdayRAPO@Charmmeofficial pic.twitter.com/zVq6AX6rH3The ENERGETIC combo of
— Puri Connects (@PuriConnects) May 14, 2023
Ustaad @ramsayz & Dashing Director #PuriJagannadh is back with ISMART BANG for #DoubleISMART🔥
A high octane action entertainer in cinemas from MARCH 8th 2024💥
In Telugu, Hindi, Tamil, Malayalam, Kannada#HappyBirthdayRAPO@Charmmeofficial pic.twitter.com/zVq6AX6rH3
ప్రస్తుతం రామ్.. బోయపాటితో సినిమా చేస్తున్నారు. ఆ మూవీ ఆగస్టుకు పూర్తి అవుతుందట! అప్పుడు నుంచి లెక్క లేసుకున్నా.. పూరికి తన సినిమా షూట్ పూర్తి చేసి ఫస్ట్ కాపీ సిద్ధం చేయడానికి కేవలం ఆరు నెలల సమయం మాత్రమే ఉంది. ఈ వేగం పూరికి కొత్తేమి కాదు కానీ.. ఇప్పుడు పరిస్థితులు మునపటిలా లేవు. చాలా జాగ్రత్త పాటించాల్సి ఉంటుంది. అసలే 'లైగర్' రిజల్ట్.. పూరి మార్కెట్పై తీవ్రంగా ప్రభావం పడింది. ఇప్పటికే నష్టాలను పూడ్చాలని లైగర్ డిస్ట్రిబ్యూటర్లు హైదరాబాద్లో ధర్నాకు కూడా దిగారు. కాబట్టి.. ఇదంతా డబుల్ ఇస్మార్ట్ బిజినెస్ విషయంలో ఎఫెక్ట్ చూపించొచ్చు!
మరోవైపు ఆడియెన్స్తో పాటు రామ్ పెట్టుకున్న నమ్మకాన్ని.. పూరి నిలబెట్టుకోవాల్సిన అవసరం చాలా ఉంది. ఎందుకంటే ఇస్మార్ట్ శంకర్ సమయంలో కొన్ని అంశాలు కలిసి రావడంతో అది హిట్ అయిపోయింది. అలా అని ఆ చిత్రాన్ని పూరి తీసిన అల్ టైమ్ బెస్ట్ హిట్స్లో చోటివ్వలేం. ఏదేమైనా ఇప్పుడు డబుల్ ఇస్మార్ట్.. ఫస్ట్ భాగానికి మించి ఉంటుందని రుజువు చేయడంతో పాటు చెప్పిన సమయంలో రిలీజ్ చేసే ఛాలెంజ్ను పూరి ఎదురుకోవాల్సి ఉంటుంది. చూడాలి మరి.. ఈ సీక్వెల్ను పూరి ఎలా చూపించబోతున్నారో, ఎలా పూర్తి చేస్తారో..
ఇదీ చూడండి: 'బిచ్చగాడు' బ్రాండ్ తగ్గలా.. సీక్వెల్కు కోట్లలో బిజినెస్!
